DMI-p Kujataani Tunumilu anorersuarnissaa aarlerisaarutigaa

Anoraasuarsuartut sakkortutigisumik tallimanngornermi unnukkut anorsaarnissaa DMI-p aarlerisaarutigaa.

Kujallermi anorersuassasoq Facebookimi quppernerminni allapput.

Aarlerisaarut kategori 2-voq tassa imaappoq avannaq-kangisimmik 25-28 m/s sakkortutigisumik anorersuassaaq, anoraasuarsuartut sakkortutigisumik anoraasuarujussuarnertalimmik 33-37 m/s.

Tunumi aamma anorersuaq

Tasiilami sapaatip-akunnerata naanerani silarlunnissaa aamma mianersorfigineqassaaq.

Arfininngornermi nalunaaqutaq 14.00-imiit sapaammi nalunaaqutaq 10.00-ip tungaanut anorersuarnissaa DMI-p nittartakkamini nalunaarutigaa.

Aarlerisaarut aamma kategori 2-voq, anorersuaq avannaq-kangisimmik 25-30 m/s sakkortutigisoq, anoraasuarsuartut sakkortutigisumik 33-42 m/s anoraasuartassalluni.