Timmisartuaraq
aarsaartaat atorlugu, silasiutit silaannarmit qutsissumit
utertinneqartarnissaanik, DMI misileraalluni aallartippoq, Tunup Avannaarsuanut
igiinnarneqartannginniassammata.
Tunup
Avannaarsuani silasiorfimmit Danmarkshavnimit radiukkut nassitsissutit marluk
ballonit atorlugit, silamik ilimasaarummut paasissutissanik katersinissamut
atorneqartussat ullut tamaasa qangattartinneqartarput. Balloni qutsissumi silaannaap naqitsinera
apparaangat qaartarpoq, silasiornermilu uuttortaatit nunamut nakkartarlutik. Balloni
nammineerluni arrortarpoq, uuttortaatilli batterillu Issittup nunataani
mianerisariaqakkami eqqissisimatitamilu qimaannarneqartarlutik.
Timmisartuaraq
aarsaartaat atorlugu, silasiutit silaannarmit qutsissumit
utertinneqartarnissaanik, DMI misileraalluni aallartippoq, Tunup Avannaarsuanut
igiinnarneqartannginniassammata.
RADIUKKUT NASSITSISSUT
Silasiut radiukkut nassitsissut tassaavoq
uuttortaateerannguaq, silaannarmik misissuinermi ballongimik
qangattartinneqartumi nivingatinneqartartoq. Qangattarnermini silaannaap qanoq
issusia paasissutissallu nunami misissuiffimmut toqqaannartumik nassiussortarpai.
Balloni silasiut qutsilliartortillugu silaannaap
naqitsinerata qaffarujussuarnerata ilutigisaanik qaartartarpoq. Balloni
namminerisamik arrortarpoq.
Silamik ilimasaarutinut
ulluinnarni atorneqartartunut qitiulluinnartoq radiukkut nassitsissut silasiut,
nunarsuaq tamakkerlugu silap pissusianik uuttortaasartut atortarpaat. DMI-p Danmarkshavnimit
silasiutit qadiukkut nassitsissutit 730-it ukiumut qangattartinneqartarput
Tunup
Avannaarsuani silasiorfimmit Danmarkshavnimit radiukkut nassitsissutit marluk
ballonit atorlugit, silamik ilimasaarummut paasissutissanik katersinissamut
atorneqartussat ullut tamaasa qangattartinneqartarput. Balloni qutsissumi silaannaap naqitsinera
apparaangat qaartarpoq, silasiornermilu uuttortaatit nunamut nakkartarlutik. Balloni
nammineerluni arrortarpoq, uuttortaatilli batterillu Issittup nunataani
mianerisariaqakkami eqqissisimatitamilu qimaannarneqartarlutik.
Elekronikikkut
atortorissaarut timmisartuaqqamut aarsaartaammut skumplastimik sanaajusumut
maanna inissinneqartalerpoq, timmisartuaraq aarsaartaat qangattartitsiviup
ungasinngisaanut silasiut aaneqarsinnaasunngorlugu, silaannakkut aarsaarluni
missinnaammat.
Timmisartuaraq
aarsaarut 250 gramit missaannik oqimaassuseqarpoq, motoreqanngilaq
aquttoqaranilu, taamaakkaluartoq 30 kilometerisut qutsitsigisumit uterluni missinnaasarpoq.
Sipaarniut annikitsoq
–
Aallaqqaammut pinngortitap atortorissaarutitsinnit qajassuunneqarnissaa siunniupparput.
Misiliineq iluatsissappat aningaasaqarnikkut annikitsumik sipaaruteqassaagut.
Tamannalu iluatsippat misileraanermi nunarsuup silaannartaaniittumik ozonimik uuttortaatinut
ingerlateqqissavarput – taakku allatut akeqartarput, Jackob L. Høyer oqarpoq,
taannalu DMI-mi silap pissusianut ilisimatusarnermik ingerlatsivimmi Issittumullu
immikkoortortaqarfimmi pisortaavoq.
-
Timmisartuaraq aarsaartaat qangattartitsinerit affaat sinningaatsiarlugit atoqqinneqarsinnaavoq,
silasiutillu radiukkut nassitsissutit ataasiaannaratik atorneqarsinnaanerat
misissuinerup takutippa. Silamik ilimasaarutit kiisalu silap pissusaanik
ilisimatusarnerit pitsaassusaat annaanngikkaluarlugu pinngortitami
annikinnerusumik eqqagassaqalerneranik tamanna kinguneqarpoq, Jacob L. Høyer
oqarpoq.
Timmisartuaraq
aarsaartaat skumplastimik sanaajusoq Schweizimi silasiornermut atortunik
sanaartorfimmit Meteomatics-imeersuuvoq, Danmarkshavnimilu misilinneqartinnani
Schweizimi Danmarkimilu misiligarneqareerluni. Misileraaneq ukiup ataatsip
ingerlanerani ingerlassaaq, Issittumilu pissutsini sakkortunerusuni qanoq atorsinnaanersoq
misiligarneqassalluni.
Danmarkshavnimi
silasiorfik DMI-mit pigineqarpoq, nunat tamalaat silasiornermut kattuffiannit
ICAO-mit aningaasalersorneqartoq, Tusassimillu ingerlanneqarluni.
Radiukkut
nassitsissutinik silamik misissuinerit nunanit tamalaanit, International Civil
Aviation Organisation, ICAO-mit nakkutigineqarlunilu ingerlanneqarpoq.
Sukumiinerusumik silap pissusianik uuttortaanerinnaanngilaq, silaannakkulli angallannermi
isumannaallisaanermut annertusaaqataalluni.
