Eqqumiitsuliornermik Ilinniarfik nutarterneqarlunilu allilerneqangajalerpoq
Nuummi Eqqumiitsuliornermik Ilinniarfiup allilerneqarluarlunilu nutarterneqarnera aasaq manna aallartissaaq.
- Ilinniartitsinermut ineriartortitsinermullu pitsaanerusumik sinaakkutissaqalerpugut, aamma ilinniartut amerlanerusut ilinniarnissaannut pitsaassutsimillu pitsanngorsaanissamut periarfissaqalerpugut. Ukiorpassuarni anguniarsimavarput, maannalu timitalersinnaanngorlugu, Eqqumiitsuliornermik Ilinniarfimi pisortaq Ivínguak´ Stork Høegh nutarterinissaq pillugu oqarpoq.
Assi: Eqqumiitsuliornermik Ilinniarfik.
Aningaasaliisarfiit arlallit tapiissutaat Nuummi Eqqumiitsuliornermik Ilinniarfiup nutarterneqarnissaanut allilerneqarnissaanullu piviusunngortitsisinnaalerput.
Ilinniarfiup atortui ullutsinut naleqqukkunnaarsimasut ukiorpassuarnilu unammilligassaqartitsisut, ilinniarfiup pisortaa Ivínguak’ Stork Høegh tusagassiuutitigut nalunaarummi paasissutissiivoq.
Nutarterinerup aasaru aallartinnissaa naatsorsuutigineqarpoq, ilinniarfillu atortullu pitsanngornissaat siunertarineqarluni.
- Alliliineq nutarterinerlu Eqqumiitsuliornermik Ilinniarfimmut alloriarneruvoq pingaarutilik. Ilinniartitsinermut ineriartortitsinermullu pitsaanerusumik sinaakkutissaqalerpugut, aamma ilinniartut amerlanerusut ilinniarnissaannut pitsaassutsimillu pitsanngorsaanissamut periarfissaqalerpugut.
- Ukiorpassuarni anguniarsimavarput, maannalu timitalersinnaanngorlugu, Ivínguak’ Stork Høegh oqarpoq.
Naalakkersuisoqarfik qinnuteqaasiornerni ikiuuttoq
Ineqarnermut attaveqaasersuutinullu Naalakkersuisoqarfik ilinniarfimmiit aningaasanik qinnuteqaasiornissamut ikiorneqarnissamik pisariaqartitsisoqarnerani ikiuussimasoq aamma oqarpoq.
Ilinniarfik allilerneqareerpat ilinniartut ukioq allortarlugu qulit angullugit aallartissinnaalissapput. Eqqumiitsuliornermik Ilinniarfimmi ilinniakkaminnik naammassinnittut Aarhus Kunstakademimi aamma Det Fynske Kunstakademimi ilinniaqqissinnaaniassammata suleqatigiinneq pilersinneqarnikuuvoq.
Ivínguak’ Stork Høegh naapertorlugu ilinniarfiup allilerneqarnissaanik nutarterneqarnissaanillu anguniagaq eqqumiitsuliornermik ilinniarfimmi pisortaasimasup Arnannguaq Høeghip anguniarsimava – anguniagaq maanna piviusunngortoq.
Eqqumiitsuliornermik Ilinniarfik 1998-imiilli John Møllerip Aqq. 5 B-56-imiippoq. Ilinniarfik Nuumi 1972-imiit 1998-ip tungaanut uffartarfitoqqamiinnikuuvoq.
