2025-mi timersornermut tunngatillugu immikkut tulluusimaarutigisannik pisoqarpa?
- EM-imi normu 2-nngornera aamma 2025-mi Funktionel Fitnessimi VM-imi normu 3-nngornera tulluusimaarutigaakka – minnerunngitsumillu Kalaallit Nunaat sinnerlugu erfalasorput tingummiarnera tulluusimaarnanngitsuungilaq. Nunap qalipaatai atorlugit unammeqataaneq immikkuullarissuuvoq, maniguunnertut nukittunertullu misigissutsinik misigititsisarluni. Sukataarneq, nikallujuinneq annertuunillu anguniagaqarnerup siumukarnissamut iluaqutaasinnaanera takussutissillugu.
Ateq: Maria Heilmann Grødem
Ukiut: 44
Suliffik: Namminersortoq
Timersuut: CrossFit aamma Funktionel Fitnes
2025-mi timersornermut tunngatillugu immikkut tulluusimaarutigisannik pisoqarpa?
- EM-imi normu 2-nngornera aamma 2025-mi Funktionel Fitnessimi VM-imi normu 3-nngornera tulluusimaarutigaakka – minnerunngitsumillu Kalaallit Nunaat sinnerlugu erfalasorput tingummiarnera tulluusimaarnanngitsuungilaq. Nunap qalipaatai atorlugit unammeqataaneq immikkuullarissuuvoq, maniguunnertut nukittunertullu misigissutsinik misigititsisarluni. Sukataarneq, nikallujuinneq annertuunillu anguniagaqarnerup siumukarnissamut iluaqutaasinnaanera takussutissillugu.
Maligassiuineq ilinnut qanoq isumaqarpa?
- Uannut maligassiuisutut isiginngilanga. Uannit nukissaqalersitsisut pingaarnersiuinerillu ingerlattarpakka. Neriuppunga inuit takusinnaassagaat uanga immikkuullarissuseqanngitsunga — tunniutiinnajanangaliuna sukataarnikkaasartunga. Allat taamaaliorsinnaappata, taava uanga aamma taamaaliorsinnaavunga – kikkullu tamarmik taamaaliorsinnaapput, sukataajallakkunik. Tamatta assigiinngitsuuvugut, nunarsuarmut assigiinngitsumik isiginnittaaseqarpugut, tamannalu nuannaraara. Anguniakkatsinnut aqqummi tamanut naleqquttumik najoqqutassiaqanngilaq. Kissaatigaara amerlanerusut namminneq takorluukkamik angunissaat sapiissuseqarlutik anguniarsinnaalerumaaraat, aporfilersuutissanik ernummateqaratik.
Nunanut allanut unammisartuunerit ilinnut qanoq pingaaruteqarpa?
- Nunatsinnut sinniisuuneq uannut pingaaruteqarluinnarpoq. Erfalasorput nittarsaassinnaanera nunatsinnullu tunuliaqutara oqaluttuarisinnaagakku tulluusimaarutigeqaara. Nunani allani inunnik Kalaallit Nunaanniik naapitsisimanngisaannarsimasunik naapitaqartarnera immikkuullarilluinnartuuvoq. Tamanna kinaassutsitsinnik qanorlu piginnaaneqarluta takutinnissaanut kajumississutigisarpara. Ataqqinaat tamanna taamaattussaannartut isiginngisaannarpara.
2026-mut qanoq takorluugaqarpit?
- Ineriartortuarnissara – timersornermut suliffimmullu tunngatillugu 2026-mi takorloorpara. Timersortartut suli amerlanerusut annertunerusumik anguniagaqarnissaminnut sapiissuseqalernissaat, inuussutissarsiortunillu tapersersorneqarnerulernissaat neriuutigaara. Ukiorpassuarni aningaasaliisartunit tapersersorneqarnera qujamasuutigeqaara. Taakkua tapersersuinngippata nunani allani unamminerni taama amerlatigisuni peqataasinnaasimanavianngikkaluarpunga – tatiginninneq tamanna pingaaruteqarluinnarpoq.
