KL

DK

Folketingimut qinersinermi kukkusoqarsimasoq paasineqartoq: Nivi Rosing sinniisussat aappaattut inissippoq

Folketingimut marsimi qinersinermi Kommuneqarfik Sermersuumi taasinerit kisinneqarneranni 300-t mininneqarput. Inuit Ataqatigiit sinnerlugit ilaasortamut sinniisussat tulleriiaarneri maanna allanngorput.

Inuit Ataqatigiit sinnerlugit Folketingimut marsimi qinersinermi sassartup Nivi Rosingip qinerneqarneraniit 300-t nalunaarsorneqanngitsoorput. Kisitsisit maanna eqqortut pissarsiarineqarnerisa kingorna sinniisussat pingajuanniit aappaannut inissippoq.
Paninnguaq Steenholdt Tusagassiortoq
Saqqummersinneqarpoq

Folketingimut marsimi qinersinermi kisitsinermi kukkusoqarsimammat, Inuit Ataqatigiinneersup Nivi Rosingip qinersisaasa nalunaanaarsorneqarnerat 300-nik ikippallaarput.

Nivi Rosing Kommuneqarfik Sermersuumi 405-nit taaguunneqarpoq, kisitsinermilu siullermi qinersisai 105-it nalunaarsorneqarnikuullutik. Naalagaaffiup sinniisoqarfiata Sermitsiamut tamanna uppernarsarpaa.

Folketingimut marsimi qinersinermi kisitsinermi kukkusoqarsimammat, Inuit Ataqatigiinneersup Nivi Rosingip qinersisaasa nalunaanaarsorneqarnerat 300-nik ikippallaarput.

Nivi Rosing Kommuneqarfik Sermersuumi 405-nit taaguunneqarpoq, kisitsinermilu siullermi qinersisai 105-it nalunaarsorneqarnikuullutik. Naalagaaffiup sinniisoqarfiata Sermitsiamut tamanna uppernarsarpaa.

Taamaalilluni Nivi Rosing nuna tamakkerlugu 1.016-inik qinerneqarsimalluni. Kisitsinermi siullermi 716-inik taaguunneqartutut nalunaarsorneqarnikuuvoq.

Filketingimi ilaasortamut sinniisussaq siulleq Pipaluk Lynge 1.035-nik qinersiseqarpoq.

Kukkuneq sinniisussanut sunniuteqarpoq. Nivi Rosing sinniisussat pingajuattut inissisimagaluarpoq, Aqqalukkuluk Fontainilu sinniisussat aappaattut inissisimalluni. Taasinerit eqqortut kisinneqareerneranni tulleriinnerit allanngorput, taamaalilluni Nivi Rosing sinniisussat aappaattut inissittoq Aqqalukkuluk Fontain pingajuattut inissisimalerluni.

Qinersinerup unnukkuani Nuummi illorsuarmi timersortarfimmi taasinernik kisitsinermi kukkusoqarsimanera pissutaasoq Naalagaaffiup sinniisoqarfiata paasissutissiissutigaa.

Kommuneqarfik Sermersuumi qinersinermut akisussaasup Naalagaaffiup Sinniisoqarfia kukkuneq pillugu qinersinerup aqaguani nalunaarfigaa.

Qinersinerup unnukkuani kisitsinermi nalunaarsorneqartut kisitsisaagallartuummata kukkuneq ingerlaannaq iliuuseqarfigineqarsimanngitsoq, Naalagaaffiup sinniisoqarfiata nassuiaatigaa. Taamaattumik allanik kukkusoqarsimasinnaanera imaluunniit qinersinerup inernerata allanngorsimasinnaanera pissutaalluni, Naalagaaffiup sinniisoqarfiani suliap misissuiffigineqaqqaarnissaa kissaatigineqarsimalluni.

Qinersinermi allataavik Folketingimi maanna akuersissutigineqartussanngorpoq, taamaammat kisitsisit maanna pissarsiarineqartut akuerineqassanersut Folketingip aalajangiiffigisussaallugu.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

naalagaaffiup sinniisoqarfiat inuit ataqatigiit inuiaqatigiit folketingimut qinersineq nivi rosing kommuneqarfik sermersooq

Atorfiit tamaasa takukkit

PODCASTI

Powered by Labrador CMS