Hercules siulleq Narsarsuarmut mippoq

Narsarsuarmi mittarfik maanna ingerlaqqilerpoq. Qaqortumi mittarfik apriilimi ammarneqarmat qulimiguulimmut mittarfinngortinneqaraluarpoq.

Danskit sakkutuuisa timmisartui Hercules siulliit ataasinngornermi mipput – piffissamilu aggersumi timmisartut amerlanerusut suli tikissapput, illersornissaqarfiup sungiusarneq Arctic Shield septembarimi ingerlappaa, tamannalu qallunaat Issittumi alapernaarsuinermut peqataanerannut ilaavoq.

Najugaqarfinni innuttaasunut paasissutissiineq

- Narsarsuarmi najugallit 40-t missaanniittut Klubbimi paasissutissiinermut ataatsimiinnissamut sapaammi ualikkut qaaqquneqarput, Ole Guldager Narsarsuarmeersoq oqaluttuarpoq.

- Major Christian Mogensen sungiusaanermut pisortaasoq oqaluttuarpoq sakkutuut 350-it missaanniittut Frankrigimit Finlandimillu Narsarsuarmut tikikkumaartut, taakkulu Issittumi Sakkutooqarfik qallunaallu sakkutuui peqatigalugit sungiusassallutik misilittakkanik mittarfiup eqqaani qaqqani sungiusarnermikkut paarlaasseqatigiittussaallutik. Akeqqanik qunusiarinninnissaq taamatullu innuttaasut maanna pissutsini eqqissisarnissaat siunertaavoq.

Illersornissaqarfiup Narsarsuarmiittunik piffissami sivisujaami aallartitaqartarsimasoq, Ole Guldager oqaluttuarpoq. Illersornissaqarfiup illut arlallit attartorsimavai, ilaatigut mittarfimmi akunnittarfiusimasoq apriilimi matuneqartoq.

- Issittumi Sakkutooqarfiup sungiusarnermut atatillugu mittarfimmi akunnittarfiusimasumi inuttaqanngitsumi apriilimili qullersaqarfittaassaaq. Aamma nakorsanik peqqissaasunillu misilittagalinnik inuttalerneqartussanik, utaqqiisaarutaasumik napparsimmaviliortoqassaaq, Ole Guldager oqarpoq.

Pissutsit atukkatik naammagisimaarpaat

Aamma oqaluttuarpoq danskit sakkutuuisa Narsarsuarmi pissutsit naammagisimaarluinnaraat.

- Imaani itinerusumi umiarsualivimmik mittarfimmillu ingerlalluartumik peqarnini pissutigalugu, Narsarsuaq immikkorluinnaq ittuusoq, Christian Mogensenip ataatsimiinnermi oqaluttuaraa. Tamanna illersornissaqarfimmi atorluarneqarsinnaavoq, naak Narsarsuaq illersornissamut nutaajugaluarluni.

- Siornatigut Kangerlussuup eqqaani sungiusartarpugut, Narsarsuarmili periarfissat nuannaarutigingaarpavut siunissamilu suliniutit, ingerlateqqikkusullugillu annertusarusuppavut, sakkutuut naalagaat paasissutissiilluni ataatsimiinnermi peqataasunut sapaammi oqarpoq.

Timmisartoqarfik ammaqqittoq silaannakkut angallannermi ulapaarfiussaaq. Illersornissamut ministeri nunanilu allani sakkutuut naalagaat mittarfimmut ammaqqittumut aqqusaassapput.

Ole Guldagerip Narsarsuup uummaarisseqqinnera nuannaarutigaa.

- Narsarsuarmiut piffissaq pissanganartoq qilanaaraat. Amerlanerit soqutiginnilluarlutik siunissamullu neriuuteqarlutik sungiusartoqarnissaa qilanaaraat, Guldager oqaluttuarpoq, taanna ukiorpassuarni Narsarsuarmi katersugaasivimmik ingerlatsisuuvoq pinngortitarlu ivissuarniarneq pillugu atortarlugu.

Igutsaat kingulliit ukiualuit matuma siorna toqupput, Narsarsuarmilu siunissaq nalorninarmat ingerlaqqinnissara kissaatigivallaanngilara,“ Ole Guldager oqaluttuarpoq.