Inuit Ataqatigiit sinnerlugit Folketingimi ilaasortap Aaja Chemnitzip,
Naalakkersuisut Kalaallit Nunaannilu Politiit peqatigalugit Kalaallit Nunaanni
aqqusinermi angallannermi inatsit nalimmassarneqarnissaa arlaleriarlutik
piumasarisarpaat. Taamaalilluni ikiaroorluni biilerneq pinerlunnertut
nalilerneqarsinnaalissalluni.
Taamaakkaluartoq inatsimmik nalimmassaanissamik suliaqartoqanngilaq,
naak oqartussat politikkikkullu suliaqartut inatsisit maanna atuuttut
naammaginaratillu kinguneri ilungersunartut isumaqatigiissutigigaluaraat.
Ikiarsisimaarluni biilerluni ajutoornissamik aarlerinaateqarnera,
qaatusimalluni biilernermiit, 30-riaammik annertuneruvoq. Ikiaruujutigalunilu
aalakoorluni biilernermi ajutoornissaq
200-riaammik ilimanaateqarluni, Danmarkimi nunap immikkoortuini biilernermut
ilinniartitsisut taama naliliipput.
Inuit Ataqatigiit sinnerlugit Folketingimi ilaasortap Aaja Chemnitzip,
Naalakkersuisut Kalaallit Nunaannilu Politiit peqatigalugit Kalaallit Nunaanni
aqqusinermi angallannermi inatsit nalimmassarneqarnissaa arlaleriarlutik
piumasarisarpaat. Taamaalilluni ikiaroorluni biilerneq pinerlunnertut
nalilerneqarsinnaalissalluni.
Taamaakkaluartoq inatsimmik nalimmassaanissamik suliaqartoqanngilaq,
naak oqartussat politikkikkullu suliaqartut inatsisit maanna atuuttut
naammaginaratillu kinguneri ilungersunartut isumaqatigiissutigigaluaraat.
Ikiarsisimaarluni biilerluni ajutoornissamik aarlerinaateqarnera,
qaatusimalluni biilernermiit, 30-riaammik annertuneruvoq. Ikiaruujutigalunilu
aalakoorluni biilernermi ajutoornissaq
200-riaammik ilimanaateqarluni, Danmarkimi nunap immikkoortuini biilernermut
ilinniartitsisut taama naliliipput.
Hashi ikiaroornartullu Kalaallit Nunaanni
2024-mi ikiaroornartut pillugit inatsimmik
unioqqutitsinerit 486-iusut, ilaatigut hashi skunkilu 115 kiilut kiisalu LSD-t,
kokainit, MDMA-t, amfetaminit ecstasyllu amerlasuut
arsaarinnissutigineqarsimasut, Kalaallit Nunaanni Politiit ukiumoortumik kisitsisaataasa
takutippaat.
Allatut oqaatigalugu Kalaallit Nunaanni ikiaroornartut amerlapput,
taamaammallu biilertartut ilaat imigassartorsimaannaratik aamma
ikiaruujutigalutik biilertarnissaat ilimanaateqarluarpoq.
Ikiarsisimaarluni biilerluni ajutoornissamik aarlerinaateqarnera, qaatusimalluni biilernermiit, 30-riaammik annertuneruvoq. Ikiaruujutigalunilu aalakoorluni biilernermi ajutoornissaq 200-riaammik ilimanaateqarluni, Danmarkimi nunap immikkoortuini biilernermut ilinniartitsisut taama naliliipput. Kalaallit Nunaanni ikiaroorluni biilerneq ajornartorsiutaasoq annertooq, IA sinnerlugu Folketingimut ilaasortaq Aaja Chemnitz oqarpoq. Taamaammat qallunaat angallannermut ministeriata iliuuseqarnissaanik pisussaaffiliisussamik aalajangiiffigisassatut siunnersuuteqarpoq.
Assi: Gregers Tycho
Ministeri iliuuseqarnissaanut kaammattorneqartoq
Nunatsinni ikiaroorluni biilerneq inatsisitigut
pinerlunnertut nalilerneqarsinnaaqqullugu Aaja Chemnitzip angallannermut
ministeri Thomas Danielsen (V) Folketingip ukiuani matumani Kalaallit Nunaanni
aqqusinikkut angallannermi inatsisissamik siunnersuuteqaqqullugu kajumissaarpaa.
Ikiaroornartumik qanoq annertutigisumik sunnerneqaqqanerup
annerpaaffilernissaa, qiserluni misissugassanik tigusisinnaanermik
tunngavissaq, ikiaroornartunillu atuisimanermut uuttuutinik pisisoqarsinnaanera
kiisalu Kalaallit Nunaanni aqqusinermi angallannermi inatsimmi pisariaqartunik
allannguisoqarnissaa, Inatsisissatut siunnersuummi ilaassasoq aamma
piumasarineqarpoq.
- Politiit ikiaroorlutik biilertunik unitsitsinissamut suli
atortussaqannginnerat ajornartorsiutaavoq. Tamanna aqqusinermi angallannermut
navianartorsiortitsivoq. Angallannermut ministeri piffissami sivisuumi
iliuuseqaqqullugu kajumissaartarnikuuarput, taamaattorli takussaasumik
alloriartoqanngimmat sakkortunerusumik iliuuseqartariaqarpugut. Taamaattumik
aalajangiiffigisassatut maanna siunnersuuteqarpunga, taannalu folketingimi
ilaasortanit aalajangerneqarpat ministerip iliuuseqarnissaanut pisussaaffiliissaaq.
Ikiaroorluni biilertunut ersarissunik malittarisassaqalernissaq aqqusinermi
angallannermi isumannaatsuunissamut pingaaruteqarpoq, Aaja Chemnitz oqarpoq.
Angallannermut ministerip ullorsiutai apeqqutaallutik
aalajangiiffigisassatut siunnersuut qaqugu suliarineqassanersoq suli
ullulerneqanngilaq. Kingusinnerpaamilli marsip aallaqqaataani 2027-mi
suliarineqassaaq, Inuit Ataqatigiit allattoqarfiat ilisimatitsivoq.
