Ilaqutariit ilisimaneqanngitsut Kalaallit Nunaanni ataatsimoortitsisut

Arnat marluk meerarlu ataaseq nunasisullu allat 90-it siunissartik nalorninartoq eqqarsaatigalugu illoqarfik nutaaq tunngavilerniarlugu Tasiilamit 1925-mi aallarput — ullumikkut Ittoqqortoormiit.

Angerlarsimaffittaaminni illermi issiapput, iigaq upperisarsiornermi assinik qallunaallu aviisianniit quppernernit nivinngaassuiffigineqarsimavoq. Marluk assiliisoq isigaat; pingajuallu assassukkaminut tinguartisimalluni.

Assi Arktisk Institutsip katersugaataaneersuuvoq, naatsumik inassuiaatitaqarluni:

»Scoresbysundip avataani Kap Hopemi illup iluata ilusaa. Arnat marluk meerarlu illermi issiapput. Taamani ikkamut niputissorneqartartut, ilaatigut upperisarsiornermut tunngasunik assiliartallit, maluginiakkit«.

Assi Scoresbysundimut Ekspeditionimi 1924-miit 1925-mut ilisimasassarsiornermit assilisaavoq, qularnanngitsumillu umiarsuarmi naalakkat ilaannit Ejnar Mikkelsenimit assit pigineqarput, amerlanertigut assiliisuusarsimagami.

Arnat meeqqallu aqqi ilaqutariinnersullu ilisianngilavut. Assiliisup aqqa imaluunniit ukiumi sorlermi assilisaanersoq ilisimanngilarput. Nalunngilarpulli inuit pingasut taakkua illoqataalu Kalaallit Nunaata oqartussaassuseqarneranut suli maanna atuuttumut aalajangiisuusimasut, ullumikkut suli nukittuumik inissisimasumik.

Ittoqqortoormiit 1925-mi tunngavilerneqarnera qallunaat norskillu unammineranni aalajangiisuuvoq, nunarsuarmi eqqartuussiviit pingaarnersaanni 1933-mi Danmarkip Tunup avannaanut tamakkiisumik oqartussaassusilittut aalajangerneqarpoq – taamaalillunilu nuna tamakkerlugu. Kalaallit Nunaat naalagaaffinniit marlunnit qeqertat allat assigalugit oqartussaaffigineqarsimasuuppat ajornakusoornermik inissisimassagaluarpoq, soorlu sioorasaarneqarnermini sanngiinnerujussuarmik inissisimaffeqassagaluarluni.

Kalaallit Nunaata ataatsimoortinneqarneranut Ittoqqortoormiini innuttaasut ukiut 100-t matuma siornatigut aatakkut aanakkullu aalajangiisuulluinnarsimasut nalunngilaat.

Mette Arqe-Hammeken illoqarfimmi Inatsisartunut ilaasortatuaavoq, Naleqqap qinigassanngortitaanut ilaasoq: – Tasiilami innuttaasut ukiut 100-t matuma siorna Ittoqqortoormiinut nuunneqarnikuummata Nunarput ataasiulluinnartutut maanna imminut taasinnaavoq. Erfalasumut ataatsimut ataatsimoortinneqarpugut, taamaattumillu nunatta ilarujussuani tassani najugallit maanna puigorneqassanngillat.

Avittat qalipaataat

Kalaallit Nunaanni allakkerivik Tusass nipitittakkanik assiliartalinnik assigiinngitsunik ukiuni makkunani saqqummersitsisarpoq.

Ataasinngornermi februaarip 16-ianni arnanik marlunnik meeqqamillu aamma umiamik assitallit saqqummissapput, taakkununngali assiliisoq, sumi qangalu assilisaanersoq ilisimavavut: Umiamik assilisaq Inger Buggemit (1872 - 1954) assilisaavoq, taassuma Nuummi nunasiaataanermi inuuneq atuakkamini »Dagbog fra Rejse til Godthaab, 1913«-imi oqaluttuaraa.

Billedkunstneren Ina Rosing, født 1965, udvælger de gamle sort/hvide billeder, som indgår i frimærkerne sammen med hendes egne farver. Farvelagene, som ligger i et bånd over motiverne, refererer til skindbroderiernes farvede strimler, der krydser hinanden.

Assilialiortoq Ina Rosing 1965-imi inunngortoq assitoqqanik qalipaateqanngitsunik nammineq qalipaasersukkaminik nipitittakkanik suliaqarpoq. Qalipaatit assigiinngitsut qaleriaarnerat avittat qalipaasersorneqartarnerannik aallaaveqarput.

– Tusass suleqatigalugu assit qalipaatigisarnerisigut assit qalipaateqanngitsut naleqqussarniartarpakka, sulianit kusanartunit pingaarnerutinnagit, Ina Rosing Sermitsiamut oqarpoq.

Tusass fortsætter frimærkeserien med etnografiske fotografier.