USA-p præsidentia Donald Trump Kalaallit Nunaat pillugu qaammatini kingullerni oqaaseqanngilaq, siusinnerusukkulli amerikamiut piginnikkusunnerat aqutsilerusunnerallu pillugit oqariartuutai suli puigorneqanngillat. Maannalu USA-p Kunngeqarfimmi sinniisua Ken Howery Nuummippoq.
Sinniisup naalakkersuisoq Vivian Motzfeldt (S) peqatigalugu tusagassiortunik ataasinngrmat katersortitsipput – kisianni Howeryp siuttuata Kalaallit Nunaat pillugu oqaaserisarnikuusaanut tunngatillugu apeqquteqarnissamut periarfissaqanngillat, aamma nutaarsiassanik saqqummiussaqanngilaq.
USA-p præsidentia Donald Trump Kalaallit Nunaat pillugu qaammatini kingullerni oqaaseqanngilaq, siusinnerusukkulli amerikamiut piginnikkusunnerat aqutsilerusunnerallu pillugit oqariartuutai suli puigorneqanngillat. Maannalu USA-p Kunngeqarfimmi sinniisua Ken Howery Nuummippoq.
Sinniisup naalakkersuisoq Vivian Motzfeldt (S) peqatigalugu tusagassiortunik ataasinngrmat katersortitsipput – kisianni Howeryp siuttuata Kalaallit Nunaat pillugu oqaaserisarnikuusaanut tunngatillugu apeqquteqarnissamut periarfissaqanngillat, aamma nutaarsiassanik saqqummiussaqanngilaq.
Sermitsiap ilisimatusartuuneq Ulrik Pram Gad USA-p sinniisuata Kalaallit Nunaannut tikeraarnera pillugu nalunaarutigineqartut (imaluunniit nalunaaruteqannginnerit) qanoq isumaqarfiginerai aperaa:
- Naalakkersuisut (Danmarkimilu naalakkersuisut) ataqqeqatigiilluni suleqatigiinnerup pingaaruteqarnera erseqqissaatigissallugu pingaarnerpaatikkaat isumaqarpunga.
- Amerikamiut sinniisaata taanna akerlilissappagu iluaqutaanavianngilaq, Ulrik Pram Gad DIIS-imi Kalaallit Nunaat Issittorlu pillugit ilisimatusartuuneq Sermitsiamut allakkatigut akissuteqarluni allappoq.
Iluatsittunik ujaasissasoq
Ataasinngornermi ullaakkut tusagassiortunik katersortitsinissaq sioqqullugu sinniisup apeqquteqarfigineqarsinnaannginnera tusagassiortunut paasissutissiissutigineqarpoq. Trumpip siusinnerusukkut oqaasii eqqarsaatigalugit apeqqutissaaleqisoqassagunanngikkaluarpoq.
Ulrik Pram Gadip ataatsimiinnerup taama ingerlanneqarnera ima nassuiarpaa:
- Nalinginnaasunik tunngaviusumik oqaasissaqannginnami. Trumpip pilersaarutai pillugit ilisimasaqarunanngilaq - aamma Trump pilersaaruteqarsorinngilara.
- Trump iluatsittumik iliorsimaneranik qanoq takussutissiisoqarsinnaanersoq Howeryp paasiniassallugu suliassaraa, Ulrik Pram Gad allappoq.
Politikkikkut aalajangersimasunik nalunaaruteqartoqanngitsoq
Donald Trumpip piginnittuulerusulluni aqutsilerusullunilu oqariartuuteqarnermi saniatigut, Kalaallit Nunaata Danmarki alarlugu USA toqqarpagu pisuunngortinnissaa aamma oqaatiginikuuaa.
Apeqqut: Amerikamiut Kalaallit Nunaanni aningaasaliinissamik neqerooruteqarnerannik politikkikkullu isumaqatigiiniarnernik aalajangersimasunik nalunaaruteqartoqannginnera qanoq isumaqarfigaajuk?
- USA-mi naalagaaffiup illersornissamut tunngatillugu suliffissuaqarfiit saniatigut nunani allani toqqaannartumik aningaasaliisarnini ileqqorinngilaa. Trumpip naalakkersuinerata nalaani aatsitassanik pingaaruteqartunik tunisassiornermut attuumassuteqanngitsumut aningaasaliisoqartalersimavoq – aningaasaliinerilli taakku ataqatigiinngippasipput, Ulrik Pram Gad allappoq.
- Soqutiginnileqqissinnaasoq
Taamaakkaluartoq Amerikamiut aatsitassarsiornermut aningaasaliinissaannut periarfissaqartoq, oqarpoq:
- Aammattaaq pisuut niuernermut tunngasunik annerusumik minnerusumilluunniit pissuteqartumik Kalaallit Nunaannik aningaasaliissuteqarusuttut amerlapput.
- Angutit pisuut taakkua ilaat Trumpip allaffeqarfianut ima attaveqarluartigisinnaapput, Kalaallit Nunaanni aatsitassarsiorfissanik suliniutinut USA-p aningaasanut inatsisaannit aningaasaliiffigineqarsinnaallutik, niuernikkut ima pingaaruteqartigissappata ullut ilaanni piiaaffissanngorumaartut apeqqutaatinnagu.
Trumpip Kalaallit Nunaat suli soqutigigaa, allanilli maanna ukkataqartoq Ulrik Pram Gad isumaqarpoq:
- Trumpip soqutiginninnera utersinnaavoq, apeqqutaavorli Trumpip atorfilittaani, assersuutigalugu Howerymit, Trumpip soqutiginninneranik piviusunngortitsinissamik nassaartoqarsimanersoq, Ulrik Pram Gad naliliivoq.
