KL

DK

Illersornissamut ministeri Nuummut tikippoq

Danmarkimi illersornissamut ministerinngortoq Jeppe Bruus (Soc.) Nuummut tikippoq. Nunanut allanut tunngasunut naalakkersuisoq Múte B. Egede (IA) kiisalu Kalaallit Nunaanni attaveqaasersuutinut pingaarutilinnut tunngatillugu suliassanik suliaqartut assigiinngitsut pulaassavai.

Illersornissamut ministeri Jeppe Bruus ataasinngornermi tikimmat nunanut allanut tunngasunut, inuussutissarsiornermut aatsitassanullu naalakkersuisumit Múte B. Egedemit (IA) tikilluaqquneqarpoq.
KASSAALUK KRISTENSEN Digitalimik aaqqissuisoq
Saqqummersinneqarpoq

Danmarkimi illersornissamut ministeri Jeppe Bruus (Soc.) Nuummut ataasinngornermi nalunaaqutaq 11.40 missaani tikippoq.

Ministerip nunanut allanut tunngasunut, inuussutissarsiornermut aatsitassanullu naalakkersuisoq Múte B. Egede (IA) ataatsimeeqatigissavaa kiisalu Nuummi suliffeqarfiit assigiinngitsut pulaassallugit.


Sakkutooqarfimmut pulaarneq

Illersornissamut ministerip Kalaallit Nunaannut tikeraarnini Kangerlussuarmi ataasinngornermi ullaap tungaani aallartippaa. Tassani qallunaat Kangerlussuarmi sakkutooqarfiat pulaarpaa oqaluttuunneqarlunilu.

Kalaallit Nunaanni timmisartunik alapernaarsuiartortitanik isumaqatigiissut naammassineqangajalersimasoq paasinarsivoq, tamannalu pissutigalugu Jeppe Bruusip Nuummiinnermini ilaatigut Air Greenland ataatsimeeqatigissavaa.

Nuummi tikeraarnera naggaserlugu tusagassiortunik ualeru katersortitsisoqassaaq. Sermitsiamiit malinnaassaagut.

Illersornissamut ministeri Jeppe Bruus Kangerlussuarmut ataasinngornermi tikinnerani Múte B. Egedep oqaloqatigigaa.
Illersornissamut ministerip Jeppe Bruusip Kangerlussuarmi sakkutooqarfik pulaarpaa.
inuiaqatigiit illersornissamut ministeri jeppe bruus kangerlussuaq múte b. egede nuuk

Atorfiit tamaasa takukkit

PODCASTI

Powered by Labrador CMS