Ilulissani sarfaaruttoortoqartoq

Ajutoortoqarnera pissutigalugu Ilulissani arfininngornermi innaallagiamik pilersuineq unippoq. Nukissiorfiit tamat attaveqatigiittarfiini quppernerminni taama ilisimatitsipput.

Nukissiorfiit

Arkivfoto: Leiff Josefsen

KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 20. Juuni 2026 - 09:45

Ilulissani innuttaasut arlallit ulloq aallartissimassagaat innaallagiaqaratik. Tassami illoqarfik tamakkerlugu innaallagiamik pilersorneqanngilaq. Nukissiorfiit Facebookikkut paasissutissiivoq Ilulissani innaallagiamik pilersuinerup kipitinneqarnera ajutoornermik pissuteqartoq.

Qanoq ajutoortoqarsimanersoq erseqqissarneqanngilaq

Nukissiorfiit ilanngullugu paasissutissiipput ajutoorneq iluarsiniarlugu sulisoqartoq.

Ussassaarut

Nalunaaqutaq 9.00 missaani Nukissiorfiit quppernerminni nutarterivoq, illoqarfimmi innaallagiamik pilersuineq suli kipisaqattaartoq:

- Innuttaasunut ilisimatitsissugerusupparput, suli maannamut Nukissiorfimmiit sulissutigineqarmat ajornartorsiut iluarsiniarlugu. Ajuusaarutigaarput arlaatigut persaqqusersuisoqarpat pilersuinerup ajutoornerata nalaani aammalu qujavugut naammagittarnissinnut.

Nukissiorfiit ilisimatitsipput pissutsit pillugit quppernerminni ilisimatitsisassallutik.