Imaani ukiut 40-t

Finnur aamma Linjohn, Royal Greenlandimi sulisut misilittagartuut marluk, suliffeqarfimmi ukiuni 40-ni sulisimanertik nalliuttorsiutigaat. Royal Greenland Facebookimi quppernermini nalunaarpoq.

Linjohn kalaallit imarsiortut ilinniartinnissaannut ukiuni kingullerni ilinniartitseqataaffiginerat nuannarisimaqarlugu oqaluttuarpoq.

- Najukkami aalisartut kilisaataatitsinni aquttuunertut naalakkatullu ilinniartissimaneri ataqqinaataavoq, Linjohn tusagassiuutitigut nalunaarummi oqarpoq.

Linjohnip sulinermini kalaallinik inuttanik ineriartortitsinissaq taakkualu atorfimminniiginnarnissaat anguniagarisimagaa, Royal Greenland allappoq.

Suliffeqarfiup taakku marluk ukiorpassuarni sulisimanerannut qutsavigai.

- Finnur aamma Linjohn peqatigiillutik kilisaataatitsinni pingaaruteqarluinnartumik inissisimasimapput, misilittakkanik, suliamut ilisimasanik pimoorussinermillu annertoorujussuarnik tunniussaqarsimallutik – kilisaatini aamma kilisaatinik nutaanik ineriartortitsinermi, kiisalu suleqatillammattut. Qujanarujussuaq ukiorpassuit ingerlaneranni tunniusimallusi suliarujussuassinnut., Royal Greenland allappoq.