Inuit
ikinnerpaamik marluk Kalaallit Nunaata USA-mut
ilanngunnissanut atsiorpata ukiup tulliata aallartinnerani 200.000 dollarinik akissarsitinneqassallutik Sermitsiamut oqaluttuarput. Takunnittut angut utoqqaq amerikamiu Cliffimik atilik pineqartoq oqaatigaat,
taannalu pappiaqqanik taasinissamut atorneqarsinnaasunik nassataqarpoq.
Illersornissamut
ilinniarfiup lektoriata Peter Viggo Jakobsenip paasissutissat taakku eqqarsarluaqqaarani iliornerullutillu "uniuulluinnartut"
oqaatigaa.
Inuit
ikinnerpaamik marluk Kalaallit Nunaata USA-mut
ilanngunnissanut atsiorpata ukiup tulliata aallartinnerani 200.000 dollarinik akissarsitinneqassallutik Sermitsiamut oqaluttuarput. Takunnittut angut utoqqaq amerikamiu Cliffimik atilik pineqartoq oqaatigaat,
taannalu pappiaqqanik taasinissamut atorneqarsinnaasunik nassataqarpoq.
Illersornissamut
ilinniarfiup lektoriata Peter Viggo Jakobsenip paasissutissat taakku eqqarsarluaqqaarani iliornerullutillu "uniuulluinnartut"
oqaatigaa.
-
Avataaniit isigalugu USA isiginerlutsilerniarlugu eqqarsarluaqqaarani iliuuseqartoqarneratut isumaqarnarsinnaavoq, soorlu qallunaat isertortumik paasiniaasartuisa aallartitarigaat. Tamannalu uniuulluinnartutut taaneqarsinnaavoq, inerniliivoq.
Inatsisit
tunngavigalugit pisussaaffeqanngitsoq
Peter
Viggo Jakobsen naapertorlugu - atsiorneq 200.000 dollarinik
naleqartoq - isumaqarpallaanngilaq, inatsisitigullu
tunngavissaqarani.
– Siullermik,
sooq arlaannik atsiornikkut aningaasanik
pissarsisoqarsinnaanera upperineqassava. Tamanna immaqa atsiornerup kingorna aningaasanik
ingerlaannaq akilerneqaraanni uppernarnerusinnaavoq, uanili pisumi uppernaalluni. Qanoq amerlatigisut atsiornissaannut
kajumissaarneqarsinnaasoraagit? Innuttaasut amerlasuut atsiortinneqanngippata atsiorneq atorsinnaanngilaq. Aamma namminiilivinnissamut allamulluunniit tunngatillugu inatsisitigut atorneqarsinnaanngilaq. USA-p aamma atorsinnaanngilaa.
USA imminut aaginnarpoq
Pisoq tusagassiuutitigut samineqarnissaa, amerikamiullu ajorluinnartumik isigineqalernissaa kiisalu Kalaallit Nunaata USA-mut ilanngukkusunnginneranik annertusaasinnaanissaa siunertarineqartoq Peter Viggo Jakobsen isumaqarpoq.
-
Amerikamiut namminneq iliuuserissappassuk imminut aaginnarneruvoq, Peter Viggo Jakobsen oqarpoq, USA-lli tusaamanerlugaalersinnissaata siunertarineqarsinnaanera ilanngullugu tikkuarlugu.
-
Ilimanarsinnaavorlu USA-mut ajoqutaasumik iliuuseqartoqarnera.
Inuk
siunertalik
Peter
Viggo Jakobsen inummit ataasiakkaamit suliaq nammineerunneqarsimasinnaasoq oqarpoq, soorlu tyskit quiasaartartuat Nuummi
Amerikamiut erfalasuannik amusinialillaraluarmat.
– Kalaallit
Nunaat tusagassiuutitigut malinnaaffigineqangaatsiarmat inuit takoqqusaarusuttut soqutigisinnaavaat. Maannamut
marluinnaat pimmata suna siunertariaqarnersoq oqaatigiuminaappoq,
Peter Viggo Jakobsen oqarpoq, taassumalu Kalaallit Nunaanni kamatsitsoqalersimassappat paasisinnaalluarpaa.
– Inuiaqatigiit
tatineqartuarput. Sungiusartoqartarlunilu tusagassiuutitigut
Kalaallit Nunaat sammineqarpoq, nalunarporlu upperineqassanersoq
upperineqassannginnersorluunniit. Trump Præsidentip illorsuaniitsillugu Kalaallit Nunaanni toqqissisimannginneq
attanneqartuassaaq.
Sermitsiap
Amerikamiut aallartitaqarfiat sinniisoqarfiallu angutip Kalaallit Nunaanni suliaanik ilisimasaqarnersut apeqquteqarfigai, imalu
akissuteqaateqarput: "Inuk allaaserineqartoq amerikami innuttaassuseqarani/innuttaassuseqarluni USA-p naalakkersuisuinit
attuumassuteqanngilaq.“
