Inatsisip tunngaviusup ulluani Inuit Ataqatigiit Folketingimi oqallitsitsinermut qaaqqusipput, tassani Naalagaaffeqatigiinni nunanut avannarpasinnerpaanut, Savalinnut Kalaallit Nunaannullu, inatsisip tunngaviusup qanoq isumaqarnera oqallisigineqassalluni.
Københavnimi Kalaallit Illuutaanni juunip tallimaani nal. 16:00 - 18:00 pissaaq.
Inatsisip tunngaviusup ulluani Inuit Ataqatigiit Folketingimi oqallitsitsinermut qaaqqusipput, tassani Naalagaaffeqatigiinni nunanut avannarpasinnerpaanut, Savalinnut Kalaallit Nunaannullu, inatsisip tunngaviusup qanoq isumaqarnera oqallisigineqassalluni.
Københavnimi Kalaallit Illuutaanni juunip tallimaani nal. 16:00 - 18:00 pissaaq.
Inatsit tunngaviusoq kingullermik 1953-imi allanngortinneqarpoq. Tamatuma atatillugu Kalaallit Nunaat nunasiaataajunnaarluni Danmarkimi ataaniittutut inissisimalerpoq, peqatigitillugulu Danmarkimi Folketingimi marlunnik ilaasortaatitaqalerluni. Savalimmiut aamma marlunnik ilaasortaqalerpoq.
Inatsisip tunngaviup allanngortinneqarnerata kingorna Danmarkimi, Savalimmiuni kiisalu Kalaallit Nunaanni allannguutit annertuut pisimapput, ullumikkullu silarsuaq allarluinnarmik isikkoqarpoq. Kalaallit Nunaanni aamma Savalimmiuni Danmarkimi pissutsit maannakkut atuuttut allanngortinneqarnissaat kissaatigineqarpoq. Nammineq aalajangiisinnaalerlernissaq ullumikkullu suliassaqarfinni Danmarkimi akisussaaffigineqartuni aalajangiinerni annertunerusumik peqataatinneqarnissaq ujartorneqarput.
Inatsisip tunngaviusup ulluani oqallinneq
Kalaallit savalimmiormiullu kissaataat inatsisip tunngaviusup iluani piviusunngorsinnaanersut imaluunniit inatsit tunngaviusoq allanngortinneqassanersoq apeqqutaavoq. Aamma Naalagaaffeqatigiinnit aninngikkaluarluni inatsit tunngaviusoq allanngortinneqassappat suut eqqarsaatersuutigineqarpat.
Apeqqutit taakku inatsisip tunngaviusup ulluani oqallisigineqassapput, tassani Inuit Ataqatigiit immikkut ilisimasalinnik isummersortartunik arlalinnik qaaqqusivoq. Inatsisip tunngaviusup iluani piviusumik naligiissitaaneq namminiilivinnissamullu oqallisigineqassapput, kiisalu nunat Naalagaaffeqatigiit ataaniittut naligiilluinnarlutik inissisimalersinnaanersut.
Aaqqissuussinermut atatillugu ilaatigut saqqummiissapput:
Folketingimi ilaasortaq naalakkersuisuunikoq Naaja H. Nathanielsen (Inuit Ataqatigiit),
lagtingimi ilaasortaq siusinnerusukkullu lagmandip tullerinikuusaa Høgni Hoydal (Tjóðveldi), ministeriusoq Frederik Waage, Syddansk Universitetimi inatsit tunngaviusoq pisortallu ingerlatsineranni professori, dr.jur. Kristian Joensen aamma Færøernes Universitetimi lektori Bárður Larsen.
Pisussat kingusinnerusukkut nalunaarutigineqarumaarput. Saqqummiinerit qallunaatut pissapput, oqalutseqarumaarlunili. Aaqqissuussaq tamanut ammavoq, ataaniitorli tuugassat toorlugu peqataanissaq nalunaarutigineqassaaq.
Nalunaarneq kingusinnerpaamik juunip aallaqqaataani pissaaq: https://billetto.dk/e/oqallitsitsinissaq-tunngaviusumik-inatsisip-naalagaaffeqatigiinnermi-inissisimanera-debatarrangement-grundlovens-rolle-i-rigsfaellesskabet-billetter-1913334?bref=eyJzIjoib3JnYW5pc2VyIiwibSI6InNoYXJlIiwiYyI6Im1hbmFnZV92aXNpdCIsImNvIjoiMSIsInQiOjE3NzgxNjQ1OTl9
