Inuinnaat iliuuseqarnerisigut qipoqqaq Nordsøliaanneqartoq

Qipoqqaq Tysklandimi tippussaaqqasimasoq Nordsøliaanneqarpoq.

Taama AFP arfininngornermi ullaakkut annaassiniaqataasoq innersuussutigalugu allappoq.

Tyskit tusagassiorfiini qipoqqaq Timmymik atserneqarpoq.

Tyskit oqartussaasuisa apriilip aallartinnerani qipoqqaap annaanniarneranik taamaatitsinerat annertuumik aalassatsitsisoq AFP-p siusinnerusukkut allaaseraa.

Tamanna qipoqqaap taamanikkut arlaleriarluni Tysklandip avannaanni immami ikkattumi arlaleriarluni tippussaareersoq pivoq.

Kingorna tyskit oqartussaasui AFP naapertorlugu inuinnarnit aningaasalersorneqartumik annaassiniarnissamik pilersaarummut akuersitinneqarput.

Sapaatip akunnerani siusinnerusukkut tyskit tusagassiorfii arlallit, tassani Bild Tysklandimeersoq kiisalu Ekstra Bladet ilanngullugit, Timmy danskit imartaatigoorullugu ingerlanneqartoq allaaseraat.

Annaassiniarneq millioneerinit marlunnit aningaasalersorneqarpoq. Annaassiniarnermi aningaasartuutit tamanut saqqummiunneqanngillat.

Qipoqqaap Østersøp sineriaani Wismar Bugtimi prammi ikineqarfigisani arfininngornermi ullaakkut nalunaaqutaq 08.45 missaani qimakkaa, Karin Walter-Mommert annaassinianeersoq ilisimatitsivoq.

Taannalu maanna ingerlaaqqilerpoq – mannalu tikillugu – ajunngitsumik ingerlaarfeqarpoq, taanna AFP naapertorlugu oqarpoq.

Naak qipoqqaap annaanniarnissaa siunertaagaluartoq, taamaattoq Tysklandimi Imaani katersugaasivimmi sulisut tamanna nuannaarutiginngivippaat.

Aannaassiniarneq uumasumik annertuumik uivertitsisoq, iluatsinnissaanullu ilimanaateqangaanngitsoq, taakku isumaqarput.

Naalagaaffiullu immikkoortuani Mecklenburg-Vorpommernimi miljøministerip Till Backhausip qipoqqaq aallarunneqannginnermini ”ajunngitsoq” oqaatigaa.