Inuup normui qarasaasiakkut tillinneqareersullu, peqquserluttoqarsinnaaneranik aningaaserivik atuisuminut mianersoqqusivoq

- Peqquserlunnianut mianersoqqissaarit.

Danskit oqartussaasuisa inuup normuinik qarasaasiakkut tillinniartoqarnerata kingorna Kalaallit Nunaanni, innutaasut inuup normui annertuumik inunnit susassaqanngitsunit aallerfigineqarsinnaaneranik GrønlandsBankenimut ilisimatitsisoqareersorlu, atuisartuminut taama kaammattuuteqarpoq.

Digitalimik siuarsaanermut ministereqarfiup Sermitsiamut ilisimatitsissutigaa Kalaallit Nunaanni innuttaasut inuup normuanik paasissutissat aamma pinerliinianit pissarsiarineqarsinnaasut.

- Inuit 40.000-it missaat Kalaallit Nunaanni kommunini najugaqartut pineqarput. Danmarkimi innuttaasut assigalugit Kalaallit Nunaanni innuttaasut piffissami aggersumi immikkut eqqumaqqullugit kajumissaarpavut, digitalimik siuarsaanermut ministeriaqarfik ilisimatitsivoq.

Aningaaseriviup siunnersuutai

Naatsorsueqqissaartarfik naapertorlugu Kalaallit Nunaanni innuttaasut inersimasut 42.000-it missaanniipput.

GrønlandsBankenip innuttaasut peqquserlunnissamut mianersoqqullugit kajumissaarpai, arlalinnillu innersuussuteqarluni.

• Isertaatit, mit-ID paasissutissat il.il. allanut tunniunnaveersaartakkit.

• Aningaasat nammineq nassiussarinngisatit akuerissanngilatit

• Aningaaserivit aqqani aningaasanik nuussineq akuerinngisaannaruk

• Ilimaginngisamik sianerfigineqaruit, sms-erfigineqaruit e-maileqarfigineqaruilluunniit mianersornerusariaqarputit

• Piffissaq atorluartaruk

- Pisumi pissutsit piviusut oqartussat attuumassuteqartut suleqatigalugit maannakkorpiaq suli paasiniaavigineqartarput. Taamaattumik pisut qanoq ingerlasimanerannik paasiniaqqinneq paasissutissanik aalajangersimasunik ataqatigiissaarinermik kinguneqarsinnaanera mianersuutigineqassaaq, digitalimik siuarsaanermi ministereqarfik ilisimatitsivoq.