Israelip isumannaallisaanermut ministeriata Trumpip Hamasimik isumaqatigiissutaa akuerineqarsinnaanngitsutut taavaa

Israelimi nunap iluani isumannaallisaanermut ministerip, Itamar Ben-Gwirip, Hamasip sakkuaakkunnaarnissamik isumaqatigiissut “Israelimit akuerineqarsinnaanngitsutut” taavaa.

Inuit attaveqaqatigiittarfianni X-imi tallimanngornermi taama allappoq.

- Gazami toqoraaneq ingerlaannassaaq, nunasinissamut kajumissaarineq naammassineqassaaq Israelilu ajugaajumaarpoq, allaaserisami allassimavoq.

"Oqaluttuarisaanermut" ilannguttussaasoq, tassa Gazami Hamasi eqimattallu sakkulersortut allat “sakkuaakkunnaarnissaannut” tunngasoq, USA-p præsidentiata Donald Trumpip tallimanngormat isumaqatigiissut saqqummiuppaa.

Taamatut Det Hvide Hus nalunaaruteqarpoq.

Isumaqatigiissut Donald Trumpip eqqissinissamik siunnersoqatigiivinit tallimanngornerup unnuaani nalunaarutigineqarpoq.

Tamatuma kingorna Hamas nalunaarpoq isumaqatigiissut akuerinissaanut tunniusimalluni — aalajangersimasunilli piumasaqaateqarluni.

Israelilli ministeriunerata Benjamin Netanyahup allaffianit oqaatigineqarpoq isumaqatigiissut Israelikkut akuerisinnaanngikkaat.

Nunap piumasaqaatai naapertorlugit suliarineqanngitsoq, aviisimi Times of Israel-imi allassimavoq.

Isumaqatigiissutip ilaatigut siunertaraa Gazami Hamasi, eqimattat, sakkulersortullu allat sakkulersuukkunnaarnissaat.

RITZAU