Issittumi tunngaviusumik ilinniartut qimussimik alapernaarsuiartortitanut Siriusikkunnut ilanngunnissamut kajumissaarneqartut
Issittumi tunngaviusumik ilinniarfimmeersut sapaatip-akunnerani matumani Siriusimut qimussimik alapernaarsuiartortitatut qinnuteqarsinnaanermut kajumissaarneqarlutik pikkorissarput.
Issittumi Sakkutooqarfik naapertorlugu Qimussimik Alapernaassuisartuni Siriusimi sikukkut alapernaarsuilluni ingerlatsissagaanni alapernaatsuunissaq pisariaqarpoq, Issittumilu tunngaviusumik Ilinniarfimmi ilinniartut Kangerlussuarmi tatsimut -8 gradinik nillissusilimmut aqqarlutik timip nalinginnaasumik kissassusaa ataallugu nillorneq qanoq iliuuseqarfigissanerlugu sapaatip-akunnera una sungiusarpaat.
Assi: Casper Brock / Arktisk Kommando
Sooq Siriusimi Qimussinik Alapernaassuisartut illersornissaqarfiup immikkut ittumik sakkutuuisa ilaannut Tunup avannaani nakkutilliinermut oqartussaassutsimillu atuutsitsinermut akisussaasussanut, kalaallit taama ikitsiginersut siusinnerusukkut oqallisigineqartarpoq.
Tamanna Issittumi tunngaviusumik ilinniarfiup atulersinneqarnerata kingorna allanngorataannaavoq. Ilinniartut sapaatip-akunnerani matumani Siriusimi Qimussimik Alapernaarsuinermik ilisaritinneqassapput, Illersornissaqarfiup tusagassiuutinut nalunaarutaani tamanna ilisimatitsissutigineqarpoq.
Ilinniartut immikkut ittumik piumasaqaammut piareersarneqartut
Ilinniartut ilaatigut qimusserneq, issittumi angalaneq sermikkullu ingerlaarneq ilinniarpaat. Siriusimi alapernaarsuiartortitatut siulersuisuusimasunit pingasunit ilinniartinneqassapput, Illersornissaqarfiullu Issittumi immikkut ilisimasaqarfiisa ilaat ilinniarfigissavaat:
- Illersornissaqarfimmi atorfininnissaannut isumassarsissutaasinnaavoq, aammali atorfittaarnissamut, Issittumi tunngaviusumik ilinniartitaanermi pisortaq, naalagaq Mathias la Cour Vågenen oqarpoq nangillunilu:
- Ilinniartitsineq Issittumi tunngaviusumik ilinniarnerup pitsaassusianut annertusaataavoq, ilinniartullu Siriusip qimussimik alapernaassuisartuisa immikkut piumasaqaataannut piareersaataallutik. Ilinniagaqartut ilaasa kingusinnerusukkut Siriusip qimussimik alapernaarsuiartortartuinut qinnuteqarumanissaannut kajumississutigissagaat neriuutigineqarpoq, Mathias la Cour Vågenen oqarpoq.
Angutivaraq Sethsenip qinnuteqarnissani takorloorsinnaagaa
Angutivaraq Sethsenip, ilinniartut ilaasa, qimussimik alapernaarsuiartortitatut qinnuteqarsinnaanini nangartanngilaa:
Qimmit qimuttut qanoq isumaqarfigaagit?
- Qimmilerinera nuannaraara. Qimminik nuannarisaqartuuvunga, Kangerlussuarmilu qimmit inussiarnersuullutillu puffajasuunngillat. Nammineq qimmeqalerusuppunga.
Siriusip alapernaarsuiartortitaanut ilanngussinnaavit?
- Aap, soqutiginartippara! Soorluli aamma ilungersunartuusoq. Qinnuteqarsinnaanerali takorloorsinnaavara, Angutivaraq Sethsen oqarpoq.
