Kalaallit Meerartaanni allattaaneq tunuarpoq

Danskit kalaallillu kattuffianni Kalaallit Meerartaanni allattaaneq Puk Draiby nutaamik unamilligassarsiorniarluni aalajangerpoq, atorfimminiillu aappaagu marsip aallaqqaataani tunuassalluni.

Taama kattuffik tusagassiutitigut nalunaarummi allappoq.

Kattuffik erseqqissaavoq Puk Draiby Kalaallit Nunaat Danmarkilu akimorlugit suleqatigiiffiusumik kattuffimmi ineriartortitsisimasoq, tassanilu najukkami peqataatitsineq nukittorsaataasimasoq aamma eqqaaneqarpoq.

Kalaallit Meerartaat naapertorlugu kattuffimmiit meeqqat inuusuttut, ilaqutariillu ikiorneqarnissaminnik pisariaqartitsisut qaninnerulernissat pilersinneqarpoq:

-Ukiut 14-it matuma siorna aallartikkama suliatta kalaallit meerartaannut inuusuttaannullu amerlanerungaartunut iluaqutissanngortinneqarnissaa anguniagaavoq – Kalaallit Nunaanni Danmarkimilu. Anguniagaq taanna piviusunngortinneqarpoq, suliniaqatigiiffillu nunani marluusuni ullumikkut arlalinnik sunniuteqarluartunik annertuunillu suliniuteqarpoq.” Puk Draiby oqarpoq.

Grønlandske Børn - Kalaallit Meerartaat, Kalaallit Nunaanni Danmarkimilu meeqqat, inuusuttut ilaqutariillu ataatsimoorfissaannik ineriartorfiusunik atugarissaarfiusunillu pilersitsinissamik suliniuteqarpoq.