Ilisimatusartoq: Kalaallit Nunaat Danmarkilu USA-mut ataatsimiinnissaq sioqqullugu isumaqatigiissinnaanngippata aarlerinarpoq
Hans Peder Kirkegaard Naalakkersuisuni illersornissamut sillimaniarnermullu politikkimut immikkut siunnersuisuusimasoq, maanna sillimaniarnermut politikkip iluani ilisimatusartoq, KNR-TV-imi nunatsinni pisuni oqallinnermi Kalaallit Nunaat Danmarkilu USA-p nunanut allanut ministerianik ataatsimimeeqateqarnissami allorassaaqatigiittariaqartut oqaatigaa.
Marco Rubio oqarpoq pingasunngornermi, sapaatip akunnerata tulliani Kalaallit Nunaat pillugu Danmarkimut naapitsiniarluni. Naalakkersuisoq Vivian Motzfeldt nalunaarpoq ataatsimiinnermi peqataassalluni.
Foto: Bonnie Cash/UPI/Ritzau Scanpix
"Uani maluginiarpara tusagassiuutini, Nunatsinni naalakkersuisut Siulittaasuat eqqissisaavoq, Danmarkimili Mette Frederiksen uisasaarisorujuusoq. -Sooruna assigiimmik oqaaseqanngitsut? Tassa atorfilittat suliaqartaraluarput oqaloqatigiillutik aamma isumaqatigiillutik, kina qanoq oqassua qanoq isumagissuagut", Hans Peder Kirkegaard oqarpoq.
Uani sapaatip akunnerata tulliani ataatsimiinnialerpata oqaloqatigiissinnaasariaqarpaat, isersinnaasariaqartut Qallunaat Kalaallillu isumaqatigiillutik.
"Uani pisariaqassooq aamma qallunaat unneqqarillutik - ilumoortumik oqaaseqarlutik, Nunarput ataqqillugu. Taanna isumaqatigiissuteqarlutik. Massakkut isumaqatigiippasinnginnamik."
Folketingetimi ataatsimiinnermi Kalaallit Nunaanniit peqataasoqanngilaq. Folketingetimi ilaasortat kisimik - taava sillimaniarnermik politikkimik eqqarsaateqarluni- una anguniagassarisaramikku;
Naalagaaffik, Kunngeqarfiup ataqatigiinnissaa illersorlugu. Qallunaanut navianartunngorpoq Kalaallit Nunaat namminersulerusuttoq. Taava imaappoq naalagaaffik illersorusuppaat, taanna illersortariaqarput.
"Tassami massakkut nuna allaminngaanniit oqarput, Kalaallit Nunaat namminersornerulertariaqarpoq imaluunniit USAmut ilanngulluni- ilaa taanna saasssussiniarneq iamluunniit taanna Kalaallit Nammineq peerusunnerat Qallunaat nunaanniit isigalugu navianartuuvoq. Qanorluunniit Kunngeqarfik Danmarki inissisimanermini mikisunngussooq", Hans Peder Kirkegaard oqarpoq.
"Tamanna eqqarsaatigalugu qallunaat unneqqarittariaqarput, Kalaallit Nunaallu isumaqatigiillutik. Ataatsimiigiarunik sapaatip akunnerata tulliani- nalullugu qanoq oqaaseqqassanerlutik - kingornalu qanoq oqaaseqassanerlutik - ajortumik inerneqarsinnaavoq," Hans Peder Kirkegaard oqarpoq.
