Kalaallit Nunaat pillugu ataatsimiititaliaq illussaarsuarmi juullerpalaarnissamut aggersaavoq
Marlunngornermi decembarip 16-ianni Christiansborgimi Kalaallit Nunaannut attuumassuteqartunut tamanut juullerpalaartitsisoqassaaq.
Kalaallit Nunaannut attuumassuteqartunut tamanut Christiansborgimi marlunngornermi decembarip 16-ianni juullerpalaartitsisoqassaaq. Peqataanissarli siumut nalunaarutigineqaqqaassaaq.
Assi: Trine Juncher Jørgensen
Ileqquusoq
malillugu Kalaallit Nunaat pillugu ataatsimiititaliami
siulittaasoq Aaja Chemnitz, Inuit Ataqatigiinneersoq, Kalaallit
Nunaannut attuumassuteqartunut tamanut "Illussaarsuarmi
Juulli"-mut qaaqqusivoq.
Christiansborgimi
juullerpalaarnissamut aaqqissuussineq marlunngornermi decembarip
16-ianni nal. 16:00-miit 18:00-imut ingerlanneqassaaq.
-
Kalaallit Nunaannut attuumassuteqartut tamarmik tikilluaqquneqarput,
Aaja Chemnitz oqarpoq.
Pisariaqartutuaq
tassaavoq peqataanissamut nalunaarnissaq, taannalu ataani
immersorneqarsinnaavoq:
https://www.conferencemanager.dk/julpaslottet-qaaqqusissutillussaarsuarmijuulli/signup
Peqataanissamut
inissat killeqarput, taamaattumillu nalunaartut siulliit
inissaqartinneqassallutik. Peqataanissamut nalunaarneq
kingusinnerpaamik decembarip aqqarngani pissaaq.
-
Juullip qalliartornerani ualikkut nuannersumik qanilaartumillu
erinarsornertalimmik ataatsimuualaarnissarput qilanaaraarput. Kiammi
sianigaa – imaassinnaasormi Juullip inua Kalaallit
Nunaannukarnermini aqqusaartoq, qaaqqusissummi allassimavoq.
Aaqqissuussami
Kalaallit Nunaat pillugu ataatsimiititaliap ukiumi nutaami sunik
suliaqarsinnaaneranik oqariartuuteqartoqarsinnaavoq.
Aaqqissuussaq kalaallisut qallunaatullu ingerlanneqassaaq.
