Qeqqata
Kommuniani borgmesterip Malik Berthelsenip Issittumi tunngaviusumik
ilinniarfiup Kangerlussuarmi pilersinneqarnera aallaqqaammulli
tapersersorpaa, suliffinnik pilersitsillunilu inuusuttunik
amerlanerusunik nunaqarfimmut kajungilersitsissammat. Taassuma aamma
erseqqissarpaa, nunaqarfimmi ilinniarfeqalerneratigut
akunnittarfimmik ilaasunillu kiffartuussineq aamma nunaqarfimmi
sanaartornermut iluaqusiisimasoq.
Taamatulli
ineriartortitsineq kisimi naammanngitsoq, Qeqqata Kommuniani
borgmesterip oqaatigaa. Tassami illersornissamut oqartussat
sakkutuut amerlanerusut najuunnissaannik neriorsuutertik suli
piviusunngortinngilaat, soorlumi tamanna illersornissamut ministerip
Troels Lund Poulsenip (V) maajimi 2024-mi ammaanersiorluni
oqalugiarnermini tamanna neriorsuutigigaluaraa.
Qeqqata
Kommuniani borgmesterip Malik Berthelsenip Issittumi tunngaviusumik
ilinniarfiup Kangerlussuarmi pilersinneqarnera aallaqqaammulli
tapersersorpaa, suliffinnik pilersitsillunilu inuusuttunik
amerlanerusunik nunaqarfimmut kajungilersitsissammat. Taassuma aamma
erseqqissarpaa, nunaqarfimmi ilinniarfeqalerneratigut
akunnittarfimmik ilaasunillu kiffartuussineq aamma nunaqarfimmi
sanaartornermut iluaqusiisimasoq.
Taamatulli
ineriartortitsineq kisimi naammanngitsoq, Qeqqata Kommuniani
borgmesterip oqaatigaa. Tassami illersornissamut oqartussat
sakkutuut amerlanerusut najuunnissaannik neriorsuutertik suli
piviusunngortinngilaat, soorlumi tamanna illersornissamut ministerip
Troels Lund Poulsenip (V) maajimi 2024-mi ammaanersiorluni
oqalugiarnermini tamanna neriorsuutigigaluaraa.
-
Issittumi Sakkutooqarfik Kangerlussuarmi aalajangersimasunik
sulisoqanngilaq
Mittarfeqarfinnilu sulisut Nuummut nuutsinneqarsimallutik.
Taamaattumik
Naalakkersuisut
illersornissamut isumaqatigiissut aqqutigalugu atorfiit annaasavut
taarserlugit suliffinnik nutaanik pilersitsinissaat
neriuutigisimagaluarparput,
borgmesteri
oqarpoq.
-Illersornissaq pillugu isumaqatigiissutip kingorna Kangerlussuarmi sakkutooqarnerup annertusarneqarneranut takussutissaqanngilaq. Atorfiit Nuummi qitiusumut katersorneqarput, suliffinnillu annaasaqarluta. Isumaqatigiissummi allatut pingaarnersiuisoqarsimasuugaluarpat kommunit akornanni assigiinngissutit annikillisinneqassagaluarput. Akerlianik suli annertunerulersinneqaannarsinnaapput, Qeqqata Kommuniani borgmesteri oqarpoq.
Assiliisoq Leiff josefsen
Oqaloqatigiinnissaq
erseqqissumillu paasitinneqarnissaq amigaataasut
Malik
Berthelsenip oqaatigaa, Danmarkimi illersornissamut ministeri aamma
nunanut allanut tunngasunut naalakkersuisoq Issittoq aamma Atlantikup
Avannaa pillugit illersornissaq pillugu isumaqatigiissutip
immikkoortuani 2-mi imarisai
pillugit ataatsimiititsinissamik suliniuteqarsimanngitsut.
-
Isumaqatigiissutip
Kangerlussuarmut qanoq sunniuteqarnissaanik
ulloq manna tikillugu suli
ilisimatinneqanngilagut. Tamanna kommuninut
ataqqinninnginnermik
ersersitsisoq isumaqarpunga, Malik Berthelsen oqarpoq.
Isumaqatigiissummi
2-mi pineqarlutik sakkutooqarfiup
Kangerlussuarmi illuutaasa atortuisalu nutarterneqarnissaat,
ilaatigut isumannaallisaanermut tunngasunik suliniuteqarnernut,
timmisartunut inissiisarfinnik pilersitsinissanut mittarfiullu
pitsanngorsarnissaanut aningaasaliisoqassasoq, sakkutuut
mittarfeqarfimmi annertunerusumik ingerlatsiinnarsinnaaqqullugit.
Tamakku saniatigut isumaqatigiissummi aalajangiunneqarluni
Illersornissamut oqartussat mittarfiup ingerlanneqarneqarnerata
ilaanut aserfallatsaalineqarnissaanullu siunissami
aningaasalersuisuussasut.
Illersornissamut
ministereqarfik 2024-mi maajimi nalunaarpoq, Issittumi
Sakkutooqarfiup ilaata Kangerlussuarmi inissinneqarsinnaanera
naleqqunnersoq aamma Illersornissamut oqartussat Nunatsinniinnerisa
qanoq nukittorsarneqarsinnaanersoq misissorneqassasut,
misissuinerulli inernera tamanut suli saqqummiunneqanngilaq.
Nuup
avataani ineriartorneq
Kangerlussuarmi
sakkutooqarnikkut sungiusarnerit nunaqarfimmi suliffeqarfinnut
aningaasarsiutaasinnaagaluartut, ukiumut ataasiaannangajattumik
pisarput. Taamaattumik borgmesterip Malik Berthelsenip
erseqqissarpaa, atorfiit aalajangersimasut ataavartullu
pisariaqartinneqarmata — taamaallaat piffissami killilimmi
suliffigineqartussaanngitsut. Aammattaaq naligiinnginneq
annertunerusoq tikkuarpaa:
Danmarkimi illersornissamut ministeri imaluunniit nunanut allanut tunngasunut naalakkersuisoq, illersornissamut isumaqatigiissutip Immikkoortuata aappaa pillugu suli ataatsimiigiaqqusinngillat. - Isumaqatigiissutip Kangerlussuarmut qanoq sunniuteqarnissaanik ulloq manna tikillugu suli ilisimatinneqanngilagut, Malik Berthelsen oqarpoq.
Assiliisoq: Leiff Josefsen
– Kangerlussuarmi
sakkutuut amerlanerulernavianngitsut,
Illersornissaq
pillugu isumaqatigiissummi takuneqarsinnaavoq. Atorfiit Nuummi
qitiusumi
eqiterneqarput, uagullu suliffinnik
annaasaqarluta.
Isumaqatigiissummi
allatut
pingaarnersiuisoqarsimagaluarpat, kommunit akornanni
assigiinngissutit annikillisinneqarsinnaagaluarput,
akerlianilli suli assigiinnginnerulersinneqarlutik,
oqarpoq.
Kommunit
aningaasaqarnerat inuiaqatigiillu agguataarnerisa
allaatigineqarnerat, paragraf 37 naapertorlugu apeqquteqaammut
2025-mi septembarimeersumut akissummi ilaatigut paasinarsivoq, Kommuneqarfik Sermersooq 2024-mi iluanaarutinit akileraarutitigut
93,95 millionit koruuninik pissarsisimasoq, kommunilli allat soorlu
Qeqqata Kommuniani aamma Kommune Qeqertalimmi akileraarutitigut
isertitat appasinnerujussuarmik inissisimallutik — tamannalu
qitiusumut eqiterinerup aningaasaqarnikkut kingunerinut ersiutaavoq.
Borgmesteri
iliuuseqarnissamik kajumissaarivoq
Malik
Berthelsenip illersornissamut ministerip maajimi 2024-mi oqaasii
innersuussutigai: „Illersornissamut oqartussaqarfiup Kalaallit
Nunaanni Kangerlussuarmilu suliassanik naammassinnissinnaanissaanik
nukittorsaanissaq, illersornissaq pillugu politikimut
aalajangiisuulluinnarpoq.“ Qeqqata Kommuniani borgmesteri
ullumikkut ima oqarpoq:
- Suliniutinik
malitseqartinneqanngilaq. Sulilu
attaveqarfigineqanngilagut. „Ineriartornermut
isiginnaartuuinnarusunngilagut
– peqataaffigerusupparput,
naggasiilluni
oqarpoq.
