KL

DK

Kangilinnguani toqukkut qimagussimasut eqqaaniarneqartut

Kangilinnguit sakkutooqarfianni danskit sakkutuuisa toqukkut qimagussimasut eqqaassutissaat Den Danske Mindelundimi arfininngormat uleerneqarpoq.

Uleersisoqareermat nigaliliartaliisoqarlunilu minutsimi ataatsimi nipaallisimasoqarpoq. Kommandørkaptajn Jacob Bilde Lauridsen kiisalu seniorsergent Peter Jørgensen toqukkut qimagussimasut ataqqiniarlugit nikorfaqqissaarput.
Jesper Hansen Jesper Hansen freelance tusagassiortoq
Saqqummersinneqarpoq

Sakkutuut danskit arfineq-marluk Kangilinnguit 1951-imiit 2014-imut sakkutooqarfittut atuunnerata nalaani inuunertik annaavaat.

Sakkutuut taakku arfineq-marluk maanna Viborgip eqqaani Rindsholmimi Danske Soldaters Mindelundimi immikkut eqqaassutissaqalerput. Eqqaassutissaq arfininngormat mindelundimi ukiumoortumik ingerlaaqatigiinnermi, illersornissaqarfik, upalungaarsimasut politiillu suleqatitik ingammik nunani tamalaani suliaqarnermi sulitillutik toqutaasimasut eqqaaniarlugit nigaliliartaliineranni uleerneqarpoq.

Sakkutuut danskit arfineq-marluk Kangilinnguit 1951-imiit 2014-imut sakkutooqarfittut atuunnerata nalaani inuunertik annaavaat.

Sakkutuut taakku arfineq-marluk maanna Viborgip eqqaani Rindsholmimi Danske Soldaters Mindelundimi immikkut eqqaassutissaqalerput. Eqqaassutissaq arfininngormat mindelundimi ukiumoortumik ingerlaaqatigiinnermi, illersornissaqarfik, upalungaarsimasut politiillu suleqatitik ingammik nunani tamalaani suliaqarnermi sulitillutik toqutaasimasut eqqaaniarlugit nigaliliartaliineranni uleerneqarpoq.

Eqqaassutissaq Grønnedalsforeningimi siulittaasup tullia Stephan Christensenimit aamma seniorsergent Peter Jørgensenimit saqqummiunneqarpoq.

Grønnedalsforeningen, Kangilinnguani kiffartortuusimasut peqatigiiffiat, eqqaassutissiinissamut suliniuteqartuuvoq.

Ujarak eqqaassutissaq Ivittuuneersuuvoq kryolitimillu akoqarluarluni. Ujarak taanna ujarassiuumit Gabrielle Stockmannimit Danmarkimut nassarneqarlunilu GEUS-imi misissorneqarsimavoq. Misissuinerup kingorna quersuarmut inissinneqarpoq – Stockmannipllu quersuup imaarneqarnissaanut atatillugu Grønnedalsforeningen soqutiginninnersoq aperaa.

- Soorunami akuersivugut, eqqaassutissiinissatsinnummi ukiuni arlalinni pilersaarusiorpugut, Grønnedalsforeningimi siulittaasup tullia Stephan Christensen oqaluttuarpoq.

Grønnedalsforeningimi siulittaasup tullia Stephan Christensen Viborgip eqqaani Rindsholmimi Danmarkimi sakkutuut eqqaassutissaat eqqaanni nalliuttorsiornermi oqalugiarpoq.

Apummik sisoortoqarnerani ajunaartut

Kalaallit Nunaanni toqukkut qimaguttut arfineq-marluusut ilaat sisamat ataasiakkaarlutik ajutoornikkut toqusimapput, kingulliilli pingasut tamarmik apummik sisoortoqarneratigut inuttat najugaqarfiat eqqorneqarmat 1983-imi februaarip 7-ani ajunaarput.

Eqqaassutissaq Stephan Christensenimit sergent Peter Jørgensenimiillu, Nuummi inunngorsimasumit aputillu sisoorluni umiarsuarni sakkutuut iniminnut taaguutigisaattut Konstabelbanjen eqqormagu, Kangilinnguani sakkutuujusimasumit, uleerneqarpoq.

Uleersisoqareermat eqqaassutissap nalaani minutsi ataaseq nipaallisimasoqarlunilu nigaliliartaliisoqarpoq.

Toqukkut qimagussimasut arfineq-marluk ukuupput:

Bent Engel Petersen, 1964-imi januaarip 11-ani toqusoq

Hardy Vitland Eskesen, 1964-imi februaarip 23-ani toqusoq

Bjarne Junker Pugh, 1965-imi januaarip 9-ani toqusoq

Knud Estrup, 1983-imi februaarip 7-ani toqusoq

Martin Thor Larsen, 1983-imi februaarip 7-ani toqusoq

Jan Krogh Mogensen, 1983-imi februaarip 7-ani toqusoq

John Lemmike Petersen, 1993-imi apriilip 9-ani toqusoq

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

eqqaassutissaq danskit sakkutuuisa apummik sisoorneq inuiaqatigiit kangilinnguit placed rindsholm

Atorfiit tamaasa takukkit

PODCASTI

Powered by Labrador CMS