Kommuni uppernarsaavoq: Nittartagaq artukkerlugu iserfigineqarsinnaajunnaarsinneqarmat internetikkut kiffartuussinerit akornuserneqarput

ATUARUK AAMMA

Naalakkersuisut akissuteqarput qarasaasiakkut saassussinermut

Nittartagaq artukkerlugu iserfigineqarsinnaajunnaarmat (DDoS) kommunip qarasaasiakkut sullissineri ullumikkut teknikkikkut ajornartorsiuteqartarput.

Qarasaasialerivk attaveqaatit killilersornerisigut allatigullu pinaveersaartitsinerit atorlugit nalinginnaasumik ingerlatsineq pilerseqqinniarlugu sulivoq. Tamanna avataaneersut ingerlatsinermik suleqataasut oqartussallu attuumassuteqartut suleqatigalugit ingerlanneqarpoq, Kommuneqarfik Sermersooq tusagassiutitigut nalunaarummi allappoq.

- Ilisimaneqarluartoq saassussinermut akisussaasuusoq tusagassiuutit arlallit allaaserisaqarput. Kommuneqarfik Sermersooq maannakkut teknikkikkut pissutsinut ingerlatsinerullu iluarsartuunneqarnissaanut kisimi isummerpoq. Kina pisuunersoq oqartussat pineqartut suleqatigalugit paasiniarneqarpoq, kommuni allappoq.

Internetikkut attaveqaatit attaveerukkaangata innuttaasut suleqataasullu oqarasuaatikkut e-mailikkullu saaffiginneqqullugit qinnuigineqarput. Kommunit paasissutissat uppernarsarneqartut kingulliit naapertorlugit ingerlaavartumik nutarterisarumaarpoq.

Tamanna Kommuneqarfik Sermersuup tusagassiutitigut nalunaarummi ilisimatitsissutigaa, maannakkullu oqaaseqaqqissinnaannginnerarpoq.

Oqartussaasut pissutsit nakkutigigaat Naalakkersuisut naatsumik nalunaaruteqarput.