Korea Kujalliup Issittoq aqqusaarlugu umiarsuarmik aqqut misilikkaa

Russit sikusiutaat atomimik ikummatissalik issittup imartaani angalasinnaavoq. Silaannaap kissatsikkiartornera pissutigalugu sikuusarnera sivikilliartornera ilutigalugu Avannaata Kangia sikusiutit atunngikkaluarlugit angalaffigineqarsinnaalerpoq. nunallu amerlasuut periarfissaq tamanna atorusuppaat.

Assi: Ekaterina Anisimova/Ritzau Scanpix

Ritzaus Bureau Ritzaus Bureau Ritzaus Bureau

Saqqummersinneqarpoq 20. Aggusti 2026 - 16:30

Ussassaarut

Umiarsuaq Korea Kujallermeersoq Europamut angalanermini siullermeerluni Avannaata Kangia aqqutigalugu misiliinissamut piareersarpoq.

Taamatut Korea Kujalliup imarsiornermut ministereqarfia paasissutissiivoq.

Asiap Europallu akornanni Avannaata Kangia Asiap nunavittaata avannaatungaatigut sinersorfigineqarsinnaavoq, Suez-illu Kanaalianik naannerulluni.

Korea Kujallermi imarsiornermut ministerip tullersortaa Nam Jae-hon qanittukkut oqarpoq, Issittumi aqqut "qularnanngitsumik periarfissatut allatut atorneqalissasoq“.

Sikuusarnera unamminartullu allat pissutigalugit piffissap ingerlanerani aqqutigineqarnissaa, orniginartinneqanngilaq.

Ussassaarut

Aammattaaq avatangiisinik illersuiniaqatigiit aqqut taanna angallaffigineqarnera annertusippat sermip aakkiartorneranik kinguneqarsinnaaneranik mianersoqqusipput.

Kangia Qiterlermili nunarsuaq tamakkerlugu umiarsuarnik angallaffiusoq annertuumik maanna akornuteqarpoq, ilaatigut USA-p Iranillu sorsunnerat pissutigalugu.

RITZAU/AFP