Kunngip ulluni pingasuni marloriarluni naapippai — kikkuuppalli?

Aarluit qaqutigoortumik Ittoqqortoormiiniittarput. Ulloq taanna Ittoqqortoormiiniimmata Hammeken 24-nik ukiulik umiatsiaaqqamik angalavoq.

- Silassoreqimmata ersigilaarpakka. Umiatsiaaqqamiippugut. Pissanganaqaaq, oqaluttuarpoq nangillunilu:

- Aarluppassuupput, qujanartumilli umiatsiaarartuni kisiartaanngilagut. Ittoqqortoormiini aatsaavissuaq aarluppugut.

Qanorli aarluttoqartarpa?

- Pisariinnassavat. Misileraaginnassaatit, Hammeken oqarpoq.

Hammeken maanna inuuserissilluni uernarlunilu nikorfavoq, kalaallit inuusuttut 23-it allat peqatigalugit, ullaakkut inini misissuisoqarnerani inimi saavaniilluni. Amerlanerit 20-it sinnilaarlugit ukioqarput, ineqatigiillu, ataatsimut uffarfiit isersimaartarfimmilu playstationeqarnera højskolemiinnitsinnut ersersiutaasinnaapput. Taamaanngilarli.

Kangerlussuarmi Issittumi tunngaviusumik ilinniarfimmut kalaallinut sakkutuunngorniartunut pulaarpugut. Hammeken angutaavoq nipaatsoq, Tunumi nunagisaminiittunut uteruni nassatassaminik angisuunik takorluugaqartoq. Takorluukkat ilinniakkami aallaniutaasut kingusinnerusukkullu uterfigiumaakkagut.

Hammeken meeraalluni Qinngaajivani angalaartarlunilu aatani piniariaqatigisarpaa. Pinngortitami inuuneq sungiusimavaa. 18-inik ukioqarluni nammineerluni piniartutut inuussutissarsiuteqalerpoq. Amerlanertigut kisimiilluni ulluni arlalinni angalasarpoq.

Hammeken ullut ilaanni mobilerusaarpoq. Facebookimi Issittumi tunngaviusumik ilinniarfiup ussassaarutaa takulerpaa. Aallaqqaammut mobilerusaaqqiinnarpoq. Taavali "umiarsuarnut tunngasut“ nuipput, Hammeken oqarpoq. Issittumi Sakkutooqarfik Issittumi tunngaviusumik ilinniarfik ussassaarutigalugu illoqarfimmut tikeraarpoq. Hammeken saqqummiinerannut tusarnaariarpoq, soorlulu siullerpaamik aarlunnermisuut, misiliiginnarpoq.

- Saqqummeereermata eqqarsarpunga "soormi?" Nutaamik misilitaqarluni pissanganartarpoq. Ikinngutigalu Danny qinnuteqarpugut, maannalu maaniippugut, taanna oqaluttuarpoq.

Inuusuttut qajannaatsut Erfalasorput tuermioralugu

Uernarunnaariaramik, ullaakkullu kaffisugassap automatimi pisiap koffeinitaa aap kaaviiaarneranut sunniutereermat, sakkutuunngorniat inuusuttut inimi atuarfimmi issaapput. Issittumi Tunngaviusumik Ilinniarfimmi – imaluunniit ABU-mi – atuartitsissutaasut ullormiit ullormut allanngortarput. Ilinniarfik Issittumi Sakkutooqarfiup ataaniittoq sakkutuunut, imaatigut upalungaarsimanermullu tunngasunik piginnaanngorsaateqarpoq, kalaallit sakkutooqarfianni ataatsimoorluni. Sakkutuut inuusuttut Kalaallit Nunaanni pissutsinik immikkut ilisimasallit piumaneqarluarput – ingammik piffissami inuuffigisatsinni.

- Inuusuttut maaniit nukittuujullutik sakkutuujulluartutut, qatserisartuulluartutut politiitullu ingerlaqqikkumaartut neriuppugut, taamaalillutik nunaminni toqqissisimanermik pilersitsisinnaassapput, illersornissamut sakkutooq Mathias La Cour Vågen ilinniakkap suuneranik aperineqarami oqarpoq. 

La Cour angutaavoq saamasoq, sinaagissarluakkanik umilik, 2025-milu septembarimi ilinniartitsisutut akisussaasunngortoq.

Mathias La Cour Vågeni ullualuit tamatuma siorna sungiusariartorluni biilimut tammittaartumut ilaalluni DR-ip nutaarsiassat pillugit oqaloqatigiilluni aallakaatittagaanit Genstartimit aamma Jyllands-Postenimit apersorneqarpoq. TV2 DR-ilu sapaatip akunnerata siuliani tikeraarput. Kingullertut kunngi Issittumi tunngaviusumik ilinniarfimmut marloriarluni tikeraarpoq. Ilinniarfik tusagassiuutitigut eqqartorneqarlunilu siammasissumik politikkernermut ilanngunneqarpoq.

- Nunarsuarmi politikkikkut pissutsit malugisarpagut, taamaammat sakkutuut maani (Kangerlussuarmi) sungiusaqatigisarpagut. Ilinniartut Illersornissaqarfimmi qaffasinnerusumik atorfeqartunik suleqateqarnissamut sungiusaqatigiinissamullu periarfissaqarput. Taamaalillutik piginnaanitik pitsanngorsarsinnaallugillu ineriartortissinnaavaat, Mathias La Cour Vågen nassuiaavoq.

Ukiuni tulliuttuni ilinniartut 30-nit 50-inut amerlineqarnissaat pillugu politikkikkut aalajangerneq ukiuni kingullerni soqutigineqarnerulerneranut pissutaasut ilagaat. Ilinniartut amerlanerulernerat Kalaallit Nunaanni sakkutooqarnerup annertusarneqarnissaanik nalinginnaasumik oqaluuserineqarpoq. Tusagassiuutitigut oqallinnermi politikkikkullu annertuumik suliaqarnerup nalaani ilinniartut tassaasut inuusuttut namminneq siutimminni pisartunik eqqarsaatiginnittut Mathias La Cour Vågen eqqaasitsissuteqarpoq.

- Taakku (ilinniartut) avatangiisaanniittut tamarmik angisuunik eqqarsaateqartarput. Maannakkut inuupput inuillu pingaarutillit tusagassiortullu tikeraarnerat naammagiinnartariaqarpaat. Inuusuttut tulluusimaarlutik kalaallisuunik erfalasulimmik tujuuluaqarlutik angalasut takugaangakkit uannut immikkut ittuuvoq. Atisalersorlutik angalanissamut periarfissaqarnerlutik aperisarput, tassami Issittumi tunngaviusumik ilinniarfimmut ilinniartuunertik Kalaallit Nunaannilu annertuumik pilersitseqataanerminnik takutitserusunnertik pissutigaat. Tamanna killinneqaatigaara.

Nunaminnik illersuinissaannut ikiorniarlugit maaniippugut

ABU-mi sakkutuunngorniat tujuuluaqqanik aappaluttunik tunuinilu "Forsvaret"-imik allassimasulinnik atisaqarlutik tikkuussillutik Kangerlussuup timersortarfiani angalaarput. Ullumikkut timersorfiuvoq, ABU-llu qallunaanit siulersorneqartumik sakkutooqarnikkut sungiusarnerup Arctic Endurancep Kangerlussuarmiinnerani naalagaaffeqatigiit kulturikkut paarlaasseqatigiinnissaannik aaqqissuussaq Arctic Games ingerlanneqarmat sakkutuut tamaasa peqataanissamut qaaqqusimavai. Freja Schmidt Jyllandip sakkutuuinit Dragonregimentimeersuuvoq, taannalu timerfimmi peqataavoq.

- Suleqatigiittarpugut, taamaammat taakku (Issittumi tunngaviusumik ilinniartut) ilisarisimalernissaannut periuseq pitsaasuuvoq. Nunaminnik illersuinissaannut ikiorniarlugit maaniippugut. Piumagatta maaniippugut, pinngitsaalineqarnata, Freja Schmidt inersuarmi akisuasumi oqarpoq.

Arctic Gamesimi, nerrivimmi arsaararnermi aamma høvdingeboldimi akunnerni arlalinni unammisoqareersoq ajugaasut toqqarneqarput. Det Jyske Dragonregimentimi aamma Sanitetskommandomi sakkutuut Issittumi tunngaviusumik ilinniarfiup holdianut 3-mut ajugaaqqatarput. 

Inuunerma sinnerani atorsinnaasannik ilikkagaqarpunga

Hammekenip 24-nik ukiullip ABU-mut qinnuteqarami danskit sakkutuui peqatigalugit timersortussalluni naatsorsuutigisimagunanngilaa. Tamannali piffissamut matumunnga assersuutaalluarpoq. Naatsorsuuteqannginnissaq naatsorsuutigineqarsinnaasutuaasarpoq. Hammeken ABU-mi aallartikkami nutaamik misiliinissamut piareersimagaluarluni aamma inuunermik nutaarluinnarmik sungiussiniaqqaartariaqarsimavoq, taanna oqaluttuarpoq. Nammineq qimussiminik aqunnermiit nalunaaqutaq 07.30 nikorfanissamut.

- Aallaqqaammut artornarpoq. Kiffaanngissuseqarnermiit ulluinnarni sukangasuumik aaqqissuussaasumillu inuulertoqarpoq, aallaqqaammullu atuaqatinik oqaloqateqarnissaq ajornakusoortorujussuuvoq. Killissaat sumiittut nalunarpoq.

Hammekenip aallartinnermini unamminiarnartoqaraluartoq iluatsilluartumik sulisimalluni oqaluttuaraa.

- Suut tamarmik sungiunneqartarput, inuunermalu sinnerani atorsinnaasannik ilikkagaqarpunga. Pissusissamik malinninneq ilikkarlugulu kammalaatitaarpunga.

Aallaqqaataanut uteqqippugut. Tassami Hammekenip ilinniakkani iluaqutigalugu Kalaallit Nunaanni illersornissatsinnik annertunerusumik suliaqarnissamut sapiissuseqalersimavoq. Alapernaarsuisut Trumpip illaatigisimasai, illaatissaanngitsulli, takorloorpai. Siriusimi alapernaarsuisut.

- Tamanna sungiusimavara. Ulluni arlalinni qimusserluni pinngortitamiittoqarsinnaanera. Qaammatini arlalinni qimusserneq qimmillu ilaginissaat pissanganassasoq isumaqarpunga, Hammeken oqarpoq.