Qasigiannguani marsip 28-ani Avannaata Qimussersuartoqalerpat Trumpip nunatsinnut immikkut ittumik aallartitaa Jeff Landry aamma Qasigiannguani takornarialerisoq Kristian Jeremiassenilu takussaasussaagaluarput.
Landrylli takuniaanissaanut neqeroorut tunuartinneqareersorlu tamanna pisussaajunnaarpoq. KNQK-mmi Landrymik qaaqqusineq, Donald Trumpip nunatsinnik tiguaanialrsaarnerani tulluannginnerarlugu isornartorsioreeraalu, takornarialerisup Kristian Jeremiassenip neqeroorutini tunuartippaa.
Qasigiannguani marsip 28-ani Avannaata Qimussersuartoqalerpat Trumpip nunatsinnut immikkut ittumik aallartitaa Jeff Landry aamma Qasigiannguani takornarialerisoq Kristian Jeremiassenilu takussaasussaagaluarput.
Landrylli takuniaanissaanut neqeroorut tunuartinneqareersorlu tamanna pisussaajunnaarpoq. KNQK-mmi Landrymik qaaqqusineq, Donald Trumpip nunatsinnik tiguaanialrsaarnerani tulluannginnerarlugu isornartorsioreeraalu, takornarialerisup Kristian Jeremiassenip neqeroorutini tunuartippaa.
Taarsiullugu koorbut Louisianami New Orleansimi apriilimi festivalertinneqalerpata angutit taakkua takussaassagunavipput.
Landrymmi Jeremiassenip ilaqutaasalu takornariartitsiviat Experience Qasigiannguit kulturikkut ilinniartitaanikkullu paarlaasseqatigiinnissamut qaaqquaa. Tikeraarnissaallu koorbut festivalianni Hondo Rodeo Festimi aallartissaaq.
- Inuussutissarsiornerup siusarnissaanut suliaqarpugut, taanna aallaavigivarput. Nunatta tiguarneqarnissaanut suliaqanngilagut, taamaallaat takusinnaavarput inuussutissarsiornerup siuarsarnissaanut periarfissaq atuinnaripput. Qilanaarpunga assut, Kristian Jeremiassen Sermitsiamut taama oqarpoq.
Qasigiannguit ineriartortariaqarpoq
Qasigiannguit ineriartornerat ammuinnaq ingerlammat illoqarfimmi inuussutissarsiornikkut siuarsaasoqartariaqartoq takornarialerisoq isumaqarpoq.
- Susoqartariaqarpoq. Inukilliartorpoq, suliffissat ikiliartorput. Inuussutissarsiornikkut annertunerusumik pisoqartariaqarpoq, Kristian Jeremiassen oqarpoq.
Jeff Landry Louisianami guvernøriuvoq, Trumpillu nunatsinnut immikkut ittumik aallartitassamitut decembarimi siorna toqqarpaa. Nunatta USA-mut ilanngunnissaanut sulinissaminut qilanaarluni Landryp taamani oqaatigaa.
Assiliisoq: Samuel Corum/EPA/Ritzau Scanpix
Ilulissat mittarfissuassaata oktobarimi atoqqaartinneqartussatut pilersaarutigineqartup piareersarfigineqarnissaa aamma pingaartippaa.
- Tassunga kinguaattooqqavugut, periarfissaq angisoorujussuaq. Tassunga aamma piareersartariaqarpugut.
- Amerlanerpaanik sullitaqarnissarput kissaatiginngilarput, kissaatigisarput tassaavoq ikittuaqqat assorujuk akiliisinnaasut sullisissallutigit. Pinngortitaq aamma mianerisussaagatsigu.
Tikeraarnerup atornerlunneqarsinnaanera ersissutiginngilaa
Kristian Jeremiassenip suliffeqarfiutaa takornarialerisumik allamik peqateqarluni qaaqqusaasoq, qaaqqusissummi nassiunneqartumi, Sermitsiami pissarsiarisatsinni takuneqarsinnaavoq. Takornarialerisumik peqatigerusutaminik aperisaqarsimalluni Jeremiassenip uppernarsarpaa.
Tikeraarneq kulturikkut ilinniartitaanikkullu paarlaasseqatigiinneruvoq. Koorbullu festivalianni peqataanerup kingorna ukua ilaatigut pilersaarutaasut mailimi atuarneqarsinnaavoq:
"Taassuma kingorna naalagaaffimmi Louisianami kulturi misigisaqarfigisinnaavat, takullugulu avatangiisit kulturikkullu kingornussassat mianeralugit pinngortitami pisuussutit qanoq ineriartortinnerigut."
Angalaneq nammineq akilissallugu Kristian Jeremiassenip oqaatigaa.
Tikeraarnissi tusagassiorfinni imaluunniit inoqatinut attaveqaatini atornerlunneqaratarsinnaanera ersissutiginngiliuk?
- Inutsialaavoq (Jeff Landry aaqq.) aallaqqaammulli attaveqarfigigatsigu taamaappoq. Neriuppunga inuussutissarsiornerup siuarsarnissaanut ikiuutaajumaartoq, Kristian Jeremiassen oqarpoq.
