Maniitsumi arnap toquneranut atatillugu angut tigusarineqarpoq

Arnap Maniitsumi sapaatiummat toquneranut atatillugu, Kalaallit Nunaanni Politiit angut tigusaraat. Arnap toqunera pasinartutut politiinit oqaatigineqarpoq.

Arnap 29-nik ukiullip Maniitsumi toqunera politiit sapaatiummat misissuiffigaat.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 24. Aggusti 2026 - 08:29

Ussassaarut

Arnaq 29-nik ukiulik Maniitsumi Sapaammi aggustip 23-ani toquvoq, politiillu pisoq misissorpaat.

Kalaallit Nunaanni Politiit taamatut tusagassiutitigut nalunaaruteqarput.

Arnaq 29-nik ukiulik Maniitsumi napparsimmavimmi toqusoq, politiit sapaammi ullaakkut nalunaaqutaq 07.27 nalunaarfigineqarput.

- Politiit pisimasut pillugit misissuipput, suliamullu atatillugu angut tigusaraat, Johannes Lyberth, misissuinermi siuttuusoq politiinilu pisortaagallartoq tusagassiuutitigut nalunaarummi allappoq.

Politiit misissuinertik pissutigalugu pisoq pillugu maanna oqaaseqarsinnaanngillat, toqusimasulli ilaqutai ilisimatinneqareerput.