KL

DK

Meeqqat atuarfimmi ikuallatsitsisut

Nuussuarmi atuarfiup isaariaani ikuallatsitsisoqareersorlu politiit, qatserisartut isumaginnittoqarfimmeersullu ornigupput.

Morten Okkels Morten Okkels Tusagassiortoq / tusagassiortoq
Saqqummersinneqarpoq

Nuussuup atuarfia pingasunngornermi unnukkut ikuallappoq. Atuarfiup isaariaata eqqaani puussiarsuit ikuallattut politiit nalunaaqutaq 18.17 nalunaarfigineqarput, qatserisartullu ornigullutik.

Filmiliuutikkut nakkutilliinerup kingorna meeqqat marluk eqqakkanik ikuallatsitsisimasut paasineqarpoq. Taakkua kikkuunerat paasineqareerpoq angajoqqaavilu attaveqarfigineqarlutik.

Meeqqat pinerluttulerinermik inatsit malillugu unnerluutigisinnaanissaanut ukiukippallaarput, suliarlu isumaginnittoqarfimmit ingerlateqqinneqarpoq.

Silaannarissaasoqareerpat sisamanngornermi nalinginnaasumik atuartoqarsinnaasoq qatserisartut uppernarsaraat, Kommuneqarfik Sermersooq paasissutissiivoq.

Nutartigaq: Atuarfiup eqqiarneqarnerani meeqqat 4.-10. klassimi SN-klassemilu atuartut sisamanngorpat tallimanngornermilu angerlarsimaannassasut, Nuussuup atuarfianiit paasissutissiissutigineqarpoq.

Politiit Danmarkimi suleqatiminnik ilisisoqarnerani erfalasuminnik qiteqqusimatitsiniartut aamma paasissutissiissutigaat.

Dronningip Maryp inuuissiornera pissutigalugu ullup sinnera aamma erfalasoqassallutik.

ikuallattoq inuiaqatigiit politiit meeqqat nuussuup atuarfia isumaginnittoqarfik

Atorfiit tamaasa takukkit

PODCASTI

Powered by Labrador CMS