KL

DK

Nuummi angallannermi ajutoorneq: Arnaq 23-nik ukiulik toqusoq

Arnaq 23-nik ukiulik arfininngornerup unnuaani taxanit aporneqarluni toquvoq. 

Arfininngornerup unnuaani aqqusineq matoqqatinneqarpoq, maannali ammaqqissimalerluni.
Hanna Hviid Hanna Hviid Tusagassiortoq
Saqqummersinneqarpoq

Arfininngornerup ullaassaani nal. 04.30 Nuummi Peter Thårup Høegh Aqqutaani angallannermi ajutoortoqarneranik nalunaarummik Kalaallit Nunaanni Politiit tigusaqarput.

Arnaq 23-nik ukiulik taxanit aporneqarsimavoq, kingornalu toqulluni.

Kalaallit Nunaanni Politiini pigaartut pisortaat Lars Even Sermitsiamut taama ilisimatitsivoq.

Taxartitsisup oqaluttuarnera naapertorlugu arnaq tassanngaannaq aqquserngup qeqqaaniilersimavoq, aquttullu takunngitsoorsimammagu aportissimalluni.

Unnuaq tamaat aqqusineq assersorneqarsimavoq, maannali aqqusineq ingerlaarfiusinnaaleqqissimalluni. Ajutoorfiusoq misissorneqassaaq, kiisalu biilinik misissuisartoq biilit misissoriartorlugit tikisinneqassalluni.

Suliassaq eqqartuussivikkoortinneqassanersoq misissuinernit aalajangerneqassasoq, pigaartut pisortaat oqarpoq.

Arnap 23-nik ukiullip ilaqutai nalunaarfigineqareerput.  

Kalaallit Nunaanni Politiit inuiaqatigiit toqusoqarnera Nuuk angallannermi ajutoorneq taxa

Atorfiit tamaasa takukkit

PODCASTI

Powered by Labrador CMS