KL

DK

Nuummi biilit marluk imminnut aportut

Nuummi biilerluni ajutoornerup kingorna inuit marluk misissorneqartussanngorlugit napparsimaviliaanneqarput.

Uani biilip aappaa ajutoornerup kingorna biilinik lastilinnit peerneqarpoq.
Hanna Hviid Hanna Hviid Tusagassiortoq
Saqqummersinneqarpoq

Arfininngornermi nal. 12.52 Nuummi H.J. Rinksvejimi aqqusinermi qulliup eqqaani angallannermi ajutoortoqarpoq. Biilit marluk imminnut aporput.

Taama Kalaallit Nunaanni Politiini pigaartut pisortaat Karsten Højrup Kristensen oqarpoq.

Biilit marluk qulliup nikilernerani aqqusernit naapiffiatigoorput, taakkulu tamarmik angumersisinnaallutik isumaqarput, imminnulli aporput.

- Biilit annertuumik ajoquserput. Biilit tamarmik atoqqinneqarsinnaajunnaarput. Inuit marluk akuusut misissorneqartussanngorlugit napparsimaviliaanneqarput, Karsten Højrup Kristensen oqarpoq.

Inuit inuunerat navianartorsiunngitsoq taassuma oqaluttuaraa. Biilini marlunni tamani inuk ataasiinnaq biilerpoq.

Biilit marluk biilinit lastilinnit peerneqarnialerneranni aqqusernit naapiffiini eqqissiviilliulaartoqarpoq, maannali peerneqareerput.

Politiit susoqarpiarsimanera paasiniarlugu maanna suliami misissuisut, pigaartut pisortaata ilisimatitsissutigaa. 

biilertunik ajutoorneq Kalaallit Nunaanni politiit nuuk karsen højrup kristensen h.j rinksvej inuiaqatigiinneq inuiaqatigiit

Atorfiit tamaasa takukkit

PODCASTI

Se alle jobs

Powered by Labrador CMS