KL

DK

Nuummi kollegia ikuallattoq

Maskinistkollegiami ikuallattoqarmat politiit qatserisartullu Nuup qeqqanukaapput. Ingerlaannarli qaminneqartoq, politiit paasissutissiipput.

Qamani ikuallattoqaleraluarpoq, politiilli naapertorlugit qujanartumik qamipallanneqarsinnaasimavoq.
Morten Okkels Morten Okkels Tusagassiortoq / tusagassiortoq
Saqqummersinneqarpoq

Maskinistkollegiami ikuallattoqarmat qatserisartut politiillu pingasunngornermi ullaakkut Nuup qeqqannukaapput.

- Nuummi kollegiami ikuallattoqarpoq, taannalu qaminneqareerluni, politiini pigaartut pisortaat Poul Kreutzmann uppernarsaavoq.

- Qujanartumik ikuallanneq ilimagisatut ajortiginngilaq. Ingerlaannaq qaminneqarpoq ikuallattoqarneranilu inunnik ajoqusertoqarani, oqarpoq.

Maskinistkollegiami qanoq ikuallattoqalersimanersoq suli ilisimaneqanngilaq, oqartussaasullu suli paasiniaapput, pigaartut pisortaat oqarpoq.

Ilinniartut allamut inissinneqassanersut Ilinniartut ineqarfiisa allaffeqarfiata KAF-ip paasinialeruttorpaa.

politi maskinistkollegiet nuuk inuiaqatigiit kaf

Atorfiit tamaasa takukkit

PODCASTI

Powered by Labrador CMS