Nuummi mittarfimmi sulisut qaartartumeerinissamik sioorasaarisoqarsimasinnaanera nalunaarutigigaat

Politiit Nuummi mittarfimmi qaartartumeerinissamik sioorasaarisoqarsimasinnaaneranik nalunaarfigineqaramik ataasinngornermi ornigupput.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 17. martsi 2026 - 09:20

Ussassaarut

Nuummi mittarfimmi qaartartumeerisoqarsinnaaneranik sioorasaarisoqartoq Kalaallit Nunaanni Politiinut ataasinngornermi ualikkut nalunaaqutaq 15.29 nalunaarutigineqarpoq.

- Mittarfimmi sulisut sianerput sullitarlu qaartartoq pillugu oqaaseqarsimasoq nalunaarutigalugu, Aqqalu Petersen oqarpoq.

Angut mittarfimmi qaartartoq pillugu oqaaseqarsimavoq, politiillu tamanna ilungersunartutut isigaat, pigaartut pisortaat oqarpoq.

Mittarfimmi qaartartumik oqarnissaq inerteqqutaasoq, taamatullu pisoqaraangat assigiinngitsunik iliuuseqartoqartartoq taassuma naqissuserpaa.

Ajoraluartumik pigaartut pisortaat suliaq pillugu itisiliisinnaanngilaq, assersuutigalugu angut tigusarineqarnersoq imaluunniit suliap qanoq ingerlasimanera pillugu sukumiinerusumik oqaaseqarsinnaanani.