Oqaasiliortunut ilaasortat tallimat toqqarneqarput

Ilinniartitaanermut, kultureqarnermut, timersornermut ilageeqarnermullu naalakkersuisoq Nivi Olsen (D) Oqaasiliortut ilaasortassaanik toqqaavoq.

Uku tallimat 2026-miit 2029-mut ilaasortassatut toqqarneqarput:

1) Tikaajaat Kristensen

2) Kasper Skifte

3) Mette Larsen Lyberth

4) Jens Thorin

5) Kikkik Olsen

Oqaasiliortut kalaallisut oqaatsit tammatsaaliornissaat, siuarsarnissaat pitsanngorsarnissaallu siunertaraat. Ilaasortat suliffeqarfinnit soqutigisaqatigiinniillu inassuteqartoqarneratigut toqqarneqartarput.

– Oqaasiliortuni ilaasortat nutaat suliap nanginngissaanut malinnaaffigissallugu qilanaarivara, kissaappassilu suleqatigiilluarnissassinnik sulilluarnissassinnillu,  Nivi Olsen oqarpoq.

Kina siulittaasunngussanersoq paasissutissiissutigineqanngilaq. Oqaasiliortut pillugit inatsimmi ilaasortat toqqakkat namminneq siulittaasussaminnik toqqaassasut allassimavoq.