Ornittakkami tillinniartoqarlunilu uuliamik 800 literimik tillittoqartoq

Sisimiuni meeqqanut inuusuttunullu sunngiffimmi ornittakkami "Sukorsimut“ tillinniartoqarsimasoq, Kalaallit Nunaanni Politiit sisamanngornermi ullaakkut nalunaarfigineqarput.

Tillinniat sunngiffimmi ornittakkap aningaasaasivianiittunik puukunikllu utertitassanik tillissimasut, pigaartut pisortaat Thomas Jeppesen oqarpoq.

Tillinniarnermi igalaaq matulu aserorlugit isertoqarsimavoq.

Aserorterisoqarlunilu uulia tillinneqartoq

Tasiilami biilimik aserorterisoqarneranik politiit sisamanngornermi nal. 11.45 nalunaarfigineqarput.

Videokkut nakkutilliissutit atorlugit politiit pasineqartut marluk nassaarisimagaat, Thomas Jeppesen oqarpoq.

Aammattaaq Qaqortumi uuliamik 800 literimik tillinniartoqarsimaneranik, politiit nalunaarfigineqarput.

Uuliaasivik 800 literimik amigaateqartoq, sisamanngornermi nalunaaqutaq 12.10 nalunaarutigineqarpoq.

Angut tigusarineqartoq

Nuummi Blok 9-p silataani inuk kamassimasoq sakkortuumik pissusilersortoq sisamanngornermi unnukkut tigusarineqarpoq.

Politiit sumiiffimmukarput angulli tigusarineqarluni. Taanna politiit peqqussutaannik unioqqutitsinertut unnerluutigineqarluni. Imigassartorsimavoq kingornarlu iperagaalluni.