Siumup siulittaasuata Aleqa Hammondip Siumut naalakkersuisooqatigiinnit anisoq sapaatip-akunnerata siuliani tallimanngonermi nalunaarutigaa. Bentiaraq Ottosenip Maasi Pedersenillu naalakkersuisuuffimminniit tunuarnerisa kingorna taakku suli inuttalerneqannginnerat partiip tapersersorsinnaannginnera tunngavilersuutigineqarpoq.
Peqqissutsimut inunnullu innarluutilinnut naalakkersuisup Anna Wangenheimip (D) aamma inuussutissarsiornermut, aatsitassanut, inatsisit atuutsinneqarnerannut naligiissitaanermullu naalakkersuisup Naaja H. Nathanielsenip (IA) Folketingimut qinigassanngortinnerat aalajangernerannut aamma pissutaapput.
Siumup siulittaasuata Aleqa Hammondip Siumut naalakkersuisooqatigiinnit anisoq sapaatip-akunnerata siuliani tallimanngonermi nalunaarutigaa. Bentiaraq Ottosenip Maasi Pedersenillu naalakkersuisuuffimminniit tunuarnerisa kingorna taakku suli inuttalerneqannginnerat partiip tapersersorsinnaannginnera tunngavilersuutigineqarpoq.
Peqqissutsimut inunnullu innarluutilinnut naalakkersuisup Anna Wangenheimip (D) aamma inuussutissarsiornermut, aatsitassanut, inatsisit atuutsinneqarnerannut naligiissitaanermullu naalakkersuisup Naaja H. Nathanielsenip (IA) Folketingimut qinigassanngortinnerat aalajangernerannut aamma pissutaapput.
Motzfeldt Kielsenilu akerliusut
Siumut Naalakkersuisoqatigiinnit animmat, Inatsisartuni sisamanik ilaasortaatitaqaraluarluni, nunanut allanut tunngasunut naalakkersuisoq Vivian Motzfeldt 2021-miilli akisussaaffigisaminiit tunuarpoq.
Vivian Motzfeldtip siulittaasup partiimi naalakkersuisooqatigiinnit aninissaa naammagerpasinngilaa, marlunngormallu akerliulluni partiimi ilaasortaajunnaarluni. Kinguninngua Siumumi ukiorpassuarni ilaasortaasoq Inatsisartunilu siulittaasoq Kim Kielsen aamma ilaasortaajunnaarpoq.
Siumumi nuimasut kamallutik ilaasortaajunnaarnerat Kalaallit Nunaata oqaluttuarisaanerani siullermeerluni pinngilaq. Partiip oqaluttuarisaanerani iluminni annertuumik avissaartuuttarput.
Ilisimatusarfimmi lektori Nasiffimmilu pisortaq Rasmus Leander Nielsen
Allaaserisap matuma allanneqarnerata nalaani partiip Inatsisartuni ilaasortai marluk kiserngorupput: Erik Jensen, taanna Aningaasaqarnermut Akileraartarnermullu Ataatsimiititaliami siulittaasuuvoq, aamma Lars Poulsen, Aalisarnermut, Piniarnermut Nunalerinermullu Ataatsimiititaliami siulittaasoq.
Upernaakkut ataatsimiinneq apriilip 14-ianni aallartippat qularnanngitsumik siulittaasut taarserneqartussaassapput.
– Siumumi nuimasut kamallutik ilaasortaajunnaarnerat Kalaallit Nunaata oqaluttuarisaanerani siullermeerluni pinngilaq.
Foto: Leiff Josefsen
Piffissaq tupaallannarlunilu paasiuminaatsoq
Ilisimatusarfimmi lektori Nasiffimmilu pisortap Rasmus Leander Nielsenip Siumup piffissami maanna taamaaliornera tupaallaatigaa – Folketingimut qineqqusaarnerup nalaani.
– Piffissaq eqqarsaatigalugu tupaallannarpoq eqqumiilaarlunilu. Folketingimut qineqqusaarneq eqqarsaatigalugu partiimut iluaqutaasinnaanera takujuminaatsippara. Vivian Motzfeldt inuppassuarnit nuannarineqarluarpoq naalakkersuisutullu sulinera nersorneqarluni. Aamma siulittaasup tunngavilersuutai eqqumiipput. Siullermik Naalakkersuisunut ilaasortat folketingimut qinigassanngortinnerat tunngavilersuutigineqarpoq, kingusinnerusukkullu naalakkersuisooqatigiit siammasissumik suleqatigiinnerat ingerlalluanngitsoq aamma patsisigineqarluni. Aleqa Hammondili siorna aasakkut Siumumi siulittaasutut qinigaammalli partii naalakkersuisooqatigiinnit anissasoq tusatsiagaasarpoq, taamaattumik taama pisoqarnera tupaallannarpallaanngilaq.
Partii ataatsimoorfiussappat oqaloqatigiittoqartarnissaa isumassarsiatsialaavoq
Ulrik Pram Gad, Danmarkimi nunanut allanut tunngasunut misissuisoqarfimmi ilisimatusartuuneq
Partiip iluani akerleriittoqartoq
Vivian Motzfeldtip kingornalu Kim Kielsenip akerliullutik partiimit aninerat tupaallannarpoq, aammali partiimi taamatut pisoqartarneranut takussutaasoq, Rasmus Leander Nielsen oqarpoq.
– Siumumi nuimasut kamallutik ilaasortaajunnaarnerat Kalaallit Nunaata oqaluttuarisaanerani siullermeerluni pinngilaq. Partiip oqaluttuarisaanerani iluminni annertuumik avissaartuuttarput. Aamma partiip ukiorpassuarni imminut pissaaneqartutut isigisuusami tassanngaannaq illuatungiliuttunngoriasaarneq ajornakusoorsinnaavoq.
Avissaartuunneq partiinillu nutaanik pilersitsineq
Danmarkimi nunanut allanut tunngasunut misissuisoqarfimmi ilisimatusartuuneq Ulrik Pram Gad Siumut pilersinneqarnerminiilli avissaartuuffiusarneranik oqarneq isumaqatigaa.
– Partiimi ilaasortaasut ilaat assortuukkusunnerusarsimapput, allalli isumaqatigiinngissutaasinnaasunik aaqqiiniarusuttarsimallutik. Tamanna avissaartuuffiusarsimavoq partiinillu allanik, soorlu Demokraatit Naleqqallu pilersinneqarnerannik kinguneqarsimalluni. Siumumi illernartoqanngilaq. Siuttoq iluarineqanngippat peersitaasarpoq.
– Kisimi oqartussaalluni ileqqulersuutillu malillugit pivoq, siulersuisuunerit Naalakkersuisut Inatsisartullu avaqqullugit aalajangiipput, DIIS-imi ilisimatusartuuneq Ulrik Pram Gad oqarpoq.
Foto: Arthur Cammelbeeck/Ritzau Scanpix
Siulersuisuunerit suliassaat
Rasmus Leander Nielsenip aamma Ulrik Pram Gadip pissutsit immikkuullarilluinnartut partiit kattuffiata – siulersuisuunerit – Inatsisartuni gruppit sinnerlugit aalajangiinera, siulersuisuunernilu Naalakkersuisuni imaluunniit Inatsisartuni ilaasortaqarani taama aalajangertoqarnera tikkuarpaat. Naalakkersuisooqatigiinni nunanilu tamalaani pisunut malinnaavallaanngitsutut isikkoqarpoq.
– Kisimi oqartussaalluni ileqqulersuutillu malillugit pivoq, siulersuisuunerit Naalakkersuisut Inatsisartullu avaqqullugit aalajangiipput. Partii ataatsimoorfiussappat oqaloqatigiittoqartarnissaa isumassarsiatsialaavoq, Ulrik Pram Gad oqarpoq.
Nunanut allanut tunngasutigut aalaakkaanissaq
Vivian Motzfeldtip nunanut allanut tunngasutigut aalajaatsumik ingerlatsineq qulakkeeraa Rasmus Leander Nielsen oqarpoq. Kalaallit Nunaata ukkatarineqaleruttorfiani tamanna pingaaruteqarpoq.
Vivian Motzfeldtip USA-mik Danmarkimillu isumaqatigiinniarnerit aallaqqaataaniit aallartinneqartariaqarsinnaanerat, naak suleqatigiissitaq Kalaallit Nunaata Washingtonimi sinniisoqarfiani pisortaq Jakob Isbosethsen aamma nunanut allanut tunngasunut pisortaqarfimmi pisortaq Mininnguaq Kleist peqataagaluartut, oqaatiginikuuaa.
– Siumumik tapersersuigaanni tapersersuinngikkaluaraanniluunniit nunanut tallanut tunngasuni aalaakkaasumik ingerlasoqarnera Kalaallit Nunaannut pitsaasuuvoq. Taamaakkaluartoq qinersinerup kingorna Danmarkimi nutaamik nunanut allanut tunngasunut ministeritaartoqarnissaa ilimanaateqarsinnaavoq. Taamatut pisoqartarpoq. Atorfilittaasut aalajaatsumik inissisimasut ministerinngortussanik paasissutissiisussaapput. Soorunami aamma Vivian partiimut allamut ilaasortanngorluni atorfimmini ingerlaqqissinnaannera periarfissaavoq. Tamanna piffissap takutikkumaarpaa, Rasmus Leander Nielsen oqarpoq.
Atorfilittat suliatik ingerlatiinnassagaat
Ulrik Pram Gadip naalakkersuisooqatigiinni allannguisoqarnera avataani malugineqarpallaarunnanngtsioq aamma nalilerpaa.
– Inatsisartuni amerlanerussuteqartut naalakkersuisooqatigiippata tamanna sunniuteqangaarunnanngilaq. Qanorluunniillu pisoqaraluarpat Danmarkimi folketingimut qinersisoqareerpat politikkerit nutaat inississapput. Atorfilittat diplomatimik suliaqarput, suliatillu ingerlatiinnassallugit, Ulrik Pram Gad oqarpoq.
Siumumik tapersersuigaanni tapersersuinngikkaluaraanniluunniit nunanut tallanut tunngasuni Vivian Motzfeldt siuttoralugu aalaakkaasumik ingerlasoqarnera Kalaallit Nunaannut pitsaasuuvoq. Ilisimatusarfimmi lektori Nasiffimmilu pisortaq Rasmus Leander Nielsen naliliivoq, Siumup qineqqusaarnerup nalaani aalajangernera aamma tupaallannartutut paasiuminaalaartutullu taavaa.
Foto: Oscar Scott Carl
Tapersersoqatigiinneq uppeqqajaasoq
Birger Poppel, Ilisimatusarfimmi iIlinniartitsinermik Ilisimatusarfimmi soraarneq, naalakkersuisooqatigiit siammasissut Danmarkip ukioq ataaseq suleqatiginerat qaqutigoortoq oqarpoq.
– Tamanna ajornartooqqanerup nalaani ingerlalluartitsivoq, nunanilu tamalaani tapersersorneqarluarnermik qulakkeerinnilluni. Oqartoqarsinnaavoq Naalakkersuisut Danmarkilu ataatsimooraangata tapersersuineq ajornannginnerusartoq, kisiannili isumaqatigiinngittoqalissagaluarpat nunat ilaat immaqa arlaannulluunniit isummerniarlutik iliuuseqarnerusinnaapput. Soorunami aamma politikkerinik nutaanik qinigaasoqarpat sunniuteqarsinnaanera ilimanaateqarpoq, naak suleqatigiissitami isumaqatigiinniarnerit atorfilittanit ingerlanneqaraluartut. Kisianni qinersinerup kingorna USA-mut politikkip allanngortinneqarnissaanik isumaqarnermut tunngavissaqanngilaq, Naalakkersuisuni qallunaalluunniit naalakkersuisuini.
