Pave Leo silassorissuusiaq atorlugu sakkussianut mianersoqqusisoq
Ilagiit katuullit qullersaasa silassorissuusiaq inunnut aqutsissanngotsoq pingaaruteqarnerarpaat.
Katuullit qullersaasa qarasaasiatigut soqutigisat isumakuluutigaat.
Assi: Simone Risoluti/Reuters/Ritzau Scanpix
Pave Leop silassorissuusiamik ineriartortitsineq unikaallatseqqullugu nunarsuaq tamakkerlugu aquttunut kajumissaarutigaa.
Tamanna allakkamini siullermi — paavit allagaani — ataasinngornermi saqqummersumi atuarneqarsinnaavoq.
Katuullit 1,4 milliardiusut qullersaata qarasaasiap "naatsorsuinera" inuttut nammineq iliuutsinut tunngaviliissanngitsoq isumaqarpoq, soorlu sorsunneq inunniit aalajangerneqartartoq.
- Toqussutaasinnaasunik allanilluunniit allanngortinneqarsinnaanngitsunik aalajangiinerit silassorissuusiamiit aalajangerneqarnissaat akuerineqarsinnaanngilaq.
Silassorissuusiaq atorunnaamineqaqqullugu kaammattuivoq.
- Silassorissuusiaq sakkulersuutitut atorneqarani sukkasuumik ineriartortinnissaa unammissutaajunnaarnissaa kaammattuutigaara, paavi allappoq.
Inunnut aqutsissanngitsoq
Qarasaasiaq atorlugu soqutigisanik misissuisarnerup annertusiartornera, toqqorsiverujussuaqarnissamillu anneruniunneq aamma isornartorsiorpaa.
Isumaqarpoq "nunarsuarmi politikkikkut aningaasatigullu pissaaneqarnerunissamik kissaateqarneq" pissutaasoq.
- Atorunnaaminera teknologiimik atuerusunnginnermut tunngassuteqanngilaq, inunnulli aqutsisussanngunnginnissaanut tunngassuteqarpoq, paavi USA-miit siullersaalluni 2025-mi apriilimi paavinngortoq oqarpoq.
Aammattaaq paavip oqaluffiup inussiaateqarnermullu peqataasimanera siornatigornit annertunerusumik utoqqatserfigaa.
Taassuma ilagiit katuullit inussiaateqarnerup assuarilernera ukiut hunnorujullit ingerlaqqaartariaqarsimanerat "kristumiut eqqaamasaanni ikitut“ taavaa.
