Unnerluussisup angut siornatigut Kommuneqarfik Sermersuumi pingaarutilimmik atorfilik killisiornera marlunngornermi ualikkut nangeqqippaa. Angut peqquserlussimasutut, oqartussaaffimmik atornerluisimasutut paasissutissanillu peqquserlussimasutut unnerluutigineqarpoq.
Angutip 2019-imi ukiakkut sulinngiffeqarnermi inunnut sisamanut angalanissamut aningaasaateqarfimmit qinnuteqarsimanini eqqartuussivimmi oqaluttuaraa, tamatumalu kingorna nammineq 23.195 koruunit akilersimallugit.
Unnerluussisup angut siornatigut Kommuneqarfik Sermersuumi pingaarutilimmik atorfilik killisiornera marlunngornermi ualikkut nangeqqippaa. Angut peqquserlussimasutut, oqartussaaffimmik atornerluisimasutut paasissutissanillu peqquserlussimasutut unnerluutigineqarpoq.
Angutip 2019-imi ukiakkut sulinngiffeqarnermi inunnut sisamanut angalanissamut aningaasaateqarfimmit qinnuteqarsimanini eqqartuussivimmi oqaluttuaraa, tamatumalu kingorna nammineq 23.195 koruunit akilersimallugit.
Unnerluutigineqartup kommunimi pisortaaneq Lars Møller-Sørensen suliaq pillugu oqaluttuuppaa. Møller-Sørensenip akiliinermut uppernarsaat piumasimariarlugu aningaasat kontuanut ikineqarsimasut unnerluunneqartup nassuiaatigaa.
- Kommunimi oqartussaatitaanermik unioqqutitsinersoq eqqarsaatiginngilara, imaluunniit qanoq taasarnerpaat. Nammineq iliuuseraa, angut eqqartuussivimmi akivoq.
Ilisimannittut nuimasut
Lars Møller-Sørensen pilersaarutit malillugit sisamanngorpat nassuiaatinneqassaaq.
Angut unnerluutigineqartoq qatanngutimi 2021-mi, coronap nalaani, ilaquttaminik toqusoqarmat Nuummut angalasimanera pillugu apeqqutit akiorpai.
Taassuma angalanera pisinnaatitaanani Kommuneqarfik Sermersuumit akilertissimaneranik pasineqarpoq, naak qatanngutaa kommunimut attuumassuteqanngikkaluartoq.
- Corona pillugu allattoqarfimmut attaveqarnissaq taamaallaat isumagaara, oqarpoq.
Tamatuma kingorna unnerluussutip sisamaat pingaarnerpaallu tikipparput, tassa kommunimi pisortaasimasup qatanngutimi suliffeqarfiutaa kommunimut pilersuisutut unioqqutitsilluni sullissisunngortitsinera.
Eqqartuunneqartoq unnerluussutini tamani pisuunnginnerarpoq. Aamma politiinut nassuiaatiginikuusani eqqunngitsumik arlaleriarluni uteqqinneqartoq aamma isumaqarpoq.
Sisamanngorpat eqqartuussinnerup naammassinissaa naatsorsuutigineqarpoq.
