Politiit misissuisut: Inuit marluk tigusarineqarput - allalu ajoquserujussuarsimavoq

Nuummi politiit pasinartut pissutigalugit Nuussuarmi najukkamut ornigupput. Ataasinngornermi ualilluinnartoq politiit ilisimatitsipput inuit marluk sumiiffimmi tigusarineqarsimasut, allalu ajoquserujussuarsimasoq napparsimmaviliaanneqartoq.

Nuussuarmi najugaqarfiit eqqaanni aqquserngit sumiiffillu assersorneqarsimavoq. Assersorneqartoq innuttaasunit ataqqineqaqqullugu politiit kaammattuipput.

Foto: Oscar Scott Carl

KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 6. Juuli 2026 - 14:32

OBS: Politiinit paasissutissat amerlanerulaartut ilanngunneqarput.

Politeerpassuit Nuup ilaanut Nuussuarmut najukkamut ataasinngornermi ualikkut ornigupput. Pasinartoqarnera pissutigalugu taamaaliortoqartoq politiit namminneq oqaatigaat.

Kalaallit Nunaanni Politiit tusagassiutitigut taama nalunaarput.

Ussassaarut

- Innuttaasut politiit peqqussutaannut ataqqinneqqullugit qinnuigaavut, politiit allapput.

Inuit marluk tigusarineqartut

Angut 27-nik ukiulik ajoqusersujussuarsimasoq, maannalu napparsimmaviliaanneqareersimasoq politiit ilisimatitsipput. Ajoqusersimasoq peruluppoq.

- Suliami angutit marluk, 20-nik aamma 26-nik ukiullit, tigusarineqarput. Sumiiffimmi politiit innersuussutaat, tassanilu assersuinerit, innuttaasunit suli ataqqeqquneqarput, politiit tusagassiorfinnut nalunaarummi nutaami allapput.

Politiit attaveqarnermut immikkoortortaqarfianit ilisimatitsissutigineqarpoq inissiaq assersorneqarsimasumiittoq iserfigineqarsinnaanngikkallartoq, taamaattumillu najukkami najugaqartut isersinnaanngikkallartut.

Kalaallit Nunaanni Politiit pisoq pillugu oqaaseqaqqissinnaanngikkallarput.