Politiit ulapaarsimaqalutik paasissutissiissutigaat

Politiit sulianik imigassartorsimanermit aallaaveqartunik marlunngornermi ulapputeqartut, pigaartut pisortaat Aqqalu Petersen oqaluttuarpoq.

- Ulloq ulapaarfiuvoq. Ilaatigut angerlarsimaffinni eqqissiviilliornerit arfinillit, aqqusinermi eqqissiviilliornerit tallimat, aalakoorpallaartut, inunnillu kissaatiginngisat nalunaarutigineqarnera kiisalu imminut toqunnissamik sioorasaarinerit pillugit nalunaarutinik tigusaqarpugut, pigaartut pisortaat oqarpoq.

Aammattaaq Nuummi imigassartorsimalluni biilertoqarnera pillugu suliaq ingerlanneqarpoq, angut 50-it sinnerlugit ukiulik nalunaaqutaq 19.37 missaani politiinit unitsinneqarluni.

Angutip imigassartorsimanermut uuttuummut suputinneqarpoq, killigititarlu qaangerlugu imigassartorsimammat aalakoorluni piilersimasutut unnerluutigineqarpoq.

Ulapaarneq nalinginnaanngitsumik pisutut pigaartut pisortaata oqaatigaa, weekendinimi tamakku pisaraluarmata.