Puiaasaaqqat utertittakkat tillinneqartut – niviarsiaraq aserorterisoq tigusarineqarpoq

Politiit ilaatigut aserorterinermut tillinniarnermullu ulloq unnuarlu kingullermi ornigupput, pigaartut pisortaat Jeppe Ansager oqaluttuarpoq.

Suliffeqarfik KK Engros Nuummiittoq tillinniarfigineqarsimasoq, politiit pingasunngornermi nal. 10.40 nalunaarfigineqarput,

Tillinniarnerit pingasunngornermi ullaakkut nalunaaqutaq 04.28 pisimapput, tillinniallu puussianik arfinilinnik puujaasaaqqanik utertittakkanik tillipput.

Pigaartut pisortaata oqaatogaa pisoq isumannaallisaanermut videoliutikkut immiunneqarsimasoq, pinerluttullu politiinut imminnut nalunaaruteqqullugit kajumissaarpai. Pisumi takunnissimasut politiinut saaffiginneqquneqarput.

Politiit Nuummi Sisamanngornermi ullaakkut nalunaaqutaq 04.49 ornigupput.

Tassani Nuup qeqqani Akileraartarnermut Aqutsisoqarfiup qulaani illut igalaavi aserorterneqarsimapput.

- Niviarsiaraq 17-inik ukiulik tigusarineqarpoq aserorterisutut unnerluutigineqarluni, Jeppe Ansager oqaluttuarpoq

Sisimiuni nuna ikuallattoq politiit pingasunngornermi unnukkut nalunaarfigineqarput, nunap ikuallannera illoqarfiup qanittuanut ingerlaarpoq. Qatserisartut ikuallarrumut ornigutsinneqarput.