Qaanaami mittarfik matugallarneqarpoq

Qaanaami mittarfimmut aqqusernup ilaa siallerujussuarnerata kinguneranik kaanngarpoq, Greenland Airports ilisimatitsivoq.

Qaanaami sanaartornermik suliaqartartut illoqarfiup mittarfiullu akornanni utaqqiisaasumik 2023-mi oktoberimi aqquserngiorput, aqqusineq aasap ingerlanerani sialussuarnermit taamanikkut aamma aserfallanneqarsimavoq.

Toqqorsivimmit assi: Departement for infrastruktur

Thomas Munk Veirum Thomas Munk Veirum Tusagassiortoq

Saqqummersinneqarpoq 3. Aggusti 2026 - 09:55

Ussassaarut

Qaanaami mittarfimmut aqqusineq sialussuarujussuarnerata kinguneranik siusinnerusukkut aserfallanneqarsimavoq, maannalu taama pisoqaqqippoq.

Siallerujussuarnera pissutigalugu Qaanaap illoqarfianiit mittarfimmut aqquserngata ilaa qarsutsineqarsimasoq, Greenland Airports nittartakkamini allappoq.

Taamaattumik mittarfik sapaatiummat matugallarneqarpoq, oqartussaasut pissutsinik paasinnilluarnerunissaat mittarfimmiillu aallarnissaq tikiffissarlu isumannaatsuunersut misissorneqarlutik.

Matusigallarneq ataasinngorneq nalunaaqutaq 13.00-ip tungaanut atuutissasoq, Greenland Airports ilisimatitsivoq.

- Silasiut naapertorlugu marlunngornerup ullaava tikillugu siallissaaq, taamaattumik pissutsit malinnaavigineqarput, Greenland Airports allappoq, pisoq pillugu nutaarsiassaqalerpat paasissutissiiumaarluni.