Qaqortumi ikuallattoqartoq – sumiiffimmi annertuumik pujuliortoqarpoq

Qaqortumi heliportip eqqaani umiatsiaq nunamiisinneqartoq ikuallappoq. Politiit Facebookimi quppernerminni nalunaarput ikuallannermit pujuliortoqangaatsiartoq.

- Maanna pujoq qernertoq illoqarfimmut siaruaassimavoq. Innuttaasut sumiiffimmiittut qinnuigissavagut igalaat silaannarissarfiillu matoqqullugit, politiit allapput.

Politiit ikuallattumut ornigutereersimapput.

Innuttaasut putsumik najuussuisoorsimasut, tamassumalu kingorna inuummarlulersimasut Kalaallit Nunaanni Politiinit kaammattorneqarput peqqinnissaqarfimmut saaffiginneqqullugit. Qaqortumi napparsimmavik oqarasuaatikkut 642211-mut attavigineqarsinnaavoq.