KL

DK

Qaqortup eqqaani nunaqarfiit ilaanni pasitsannartumik toqusoqarsimaneranik misissuisoqartoq

Kalaallit Nunaanni politiit ilisimatitsipput marlunngornermi ullaap tungaani nalunaaqutaq 10:52 politiinut nalunaarutiginnittoqarsimasoq arnaq 49-nik ukiulik ernumassutigineqarmat. Politiit sumiiffimmut anngupput, tassanilu arnaq toqungasoq nassaarineqarluni.

Kalaallit Nunaanni Politiit suli oqaatigisinnaanngilaat Qaqortup eqqaani nunaqarfimmi sorlermi arnaq 49-nik ukiulik toqungasoq nassaarineqarsimanersoq, misissuineq ingerlanneqarmat.
Jensine Berthelsen
Jensine Berthelsen tusagassiortoq
Saqqummersinneqarpoq

Kalaallit Nunaanni Politiit marlunngornermi nalunaaqutaq 10.52 Qaqortup eqqaani nunaqarfiit ilaannit ernumassuteqartumit nalunaarfigineqarsimallutik, tamanna Kalaallit Nunaanni politiit tusagassiuutitigut nalunaarummi ilisimatitsissutigaat.

Nalunaarutip kingunerisaanik politiit angerlarsimaffimmut ornigupput, tassani inuk toqusimasoq nassaarineqarpoq. 

Toqusimasoq kinaassusersineqarpoq 49-nik ukiulik arnaq, qanigisaasullu kalerrinneqarput. 

Toqusimasoq nassaarineqarmat pasitsannartutut politiinit misissuiffigineqalersimasoq Kalaallit Nunaanni Politiit nalunaarutigaat.

Sermitsiamit paasissutissanik sukumiinerusunik pissarsiniarnerput iluatsinngilarput, ilaatigut nunaqarfimmi sorlermi arnaq nassaarineqarsimanersoq pillugu. 

Politiit nakkutilliisuutitaasa pisortaat Malik Olesen erseqqissaavoq Kalaallit Nunaanni Politiit maannakkut piffissami oqaaseqarsinnaanngitsut, misissuineq suli ingerlanneqarmat.

Kalaallit Nunaanni politiit qaqortoq pasitsannartumik toqusoqarsimaneranik misissuineq inuiaqatigiit

Atorfiit tamaasa takukkit

PODCASTI

Powered by Labrador CMS