- Sisoortarfiup aasaanerani maajimiit oktobarimut ikkussorneqarnissaa kissaatigineqarpoq. Illoqarfimmi innuttaasunut takornarianullu misigisassarsiornissamut periarfissanik amerlanerusunik pilersitsinissaq siunertaavoq, tusarniaanermut allakkani allassimavoq.
Suliniut nivinngaarluni sisoortarfiliorfiusussaq Aaqa-p eqqaanit aallartikkuni aqquserngup 400-rtaliup sinaatigut Nukissiorfiit biilinut unittarfianut killittussaq, naammassissagaanni nunaminertamik tunineqaqqaartariaqarpoq.
- Sisoortarfiup aasaanerani maajimiit oktobarimut ikkussorneqarnissaa kissaatigineqarpoq. Illoqarfimmi innuttaasunut takornarianullu misigisassarsiornissamut periarfissanik amerlanerusunik pilersitsinissaq siunertaavoq, tusarniaanermut allakkani allassimavoq.
Nuummi 400-rtaliup sinaani nivinngaarluni sisoortarfissap allunaasartassaata inissisimaffissaa.
Takussutissiaq: Asiaq
Suliniut nivinngaarluni sisoortarfiliorfiusussaq Aaqa-p eqqaanit aallartikkuni aqquserngup 400-rtaliup sinaatigut Nukissiorfiit biilinut unittarfianut killittussaq, naammassissagaanni nunaminertamik tunineqaqqaartariaqarpoq.
Suliniummik isumassarsisuusoq
Illoqarfik takornarianut misigisassanik amerlanerusunik neqerooruteqartoqartariaqartoq nivinngaarluni sisoortarfiliornissamik — immaqa nunani avannarlerni takinerpaanngortussamik isumassarsisoq, Gerth Poulsen, Inuk Travelimik piginnittoq, isumaqarpoq, taamaalillutillu illoqarfimmi innuttaasut nutaamik immikkuullarissumillu misigisaqarsinnaapput.
Inuk Travel assigiinngitsunik suliniuteqartarlunilu allanartunik misigisassarsiortitsisarpoq.
Inuk Hostelsimi sauna aamma Sermitsiamut isikkiveqarluni illoqannginnersami kinisimaartarfik pigineqarput, tassanilu aamma arsarnerit misigineqarsinnaapput. Inuk Travel Inuk Hostelsimi piginneqataassuteqartuni amerlanerussuteqartutut piginneqataavoq.
Inuk Hostelsimi illoqannginnersami kinisimaartarfik
Assi: Inuk Travel
Inuk Travelip aningaasaliissutigisaa alla tassaavoq qamuteralannik UTV-nik marlunnik, inunnik arfinilinnik ataatsikkut inissaqartitsisunik pisineq, tamannalu illoqarfik qimallugu asimi immikkut ittumik misigisaqarnissamik periarfissiivoq.
Oqaatigineqartutut nivinngataarluni sisoortarfissaq allaanerusumik pissanganartumillu misigisaqarnissamut ilaavoq.
- Maanna Nuummi suut sapernagit nunarsuarmut takutissinnaavarput. Nuummimi neqeroorutissarpassuaqarpoq, Gerth Poulsen oqarpoq.
Takornariartitsineq ineriartortinneqasssoq
Mittarfik nutaaq ammarneqarmat takornariaqarnermik ineriartortitsinissaq pisariaqassasoq oqaatigineqarportaaq.
Tusarniaanermut killigititaq tassaavoq februaarip arfineq-pingajuat, suliniullu pillugu annertunerusumik uani kommunip tusarniaanermut nittartagaani atuarsinnaavutit
Tusarniaanerup kingorna oqaaseqaatit naammagittaalliuutillu suliarineqareerpata Sanarfinermut Avatangiisinullu Ingerlatsivimmit suliaq Teknikkimut Avatangiisinullu Ataatsimiititamut ingerlateqqinneqassaaq, tamatumalu kingorna kommunalbestyrelsimi ilaasortat inaarutaasumik aalajangiissapput.
