Sakkutuujusissaatitaasut Kalaallit Nunaanniinnerminnut tapi naammaginngilaat

Sakkutuujusissaatitaasut Kalaallit Nunaanniittut ullormut 14-17 koruuninik tapeqartillugit sulisinneqartarput. "Sulisutut akikitsutut misigipput,“ oqaaseqartartoq oqarpoq.

Sakkutuut Kalaallit Nunaanni kiffartornertik pillugu assigiinngitsorpassuarnik akissarsisinneqartarput. Sakkutuut Nuummut januaarimi 2026-mi tikinnerani assi.

Assi: Mads Claus Rasmussen/Ritzau Scanpix

Morten Okkels Morten Okkels Tusagassiortoq

Saqqummersinneqarpoq 3. Aggusti 2026 - 15:37

Sakkutuujusussaatitaasut Kalaallit Nunaanni suliaqarnerminni tapiat annikitsuararsuaq naammaginngikkaat, Berlingske allappoq.

Konstabelit Kalaallit Nunaanni suliassaminnik suliaqaraangamik ullormut 1.200 koruuninik tapeqartinneqartarput.

- Sulisutut akikittutut misigivugut, Carl Emil Alsing Kongsmark, Slesvigske Fodregimentimi sakkusakkutuujusussaatitaasunut oqaaseqartartoq oqarpoq.

Ussassaarut

Oqallinnermi sakkutuunngorniat inissisimaffiat naammattumik nassuiarneqarsimanngitsoq ersertoq, naalagaaffiit pissusiinik ilisimatusarnermi professori Mikkel Vedby Rasmussen isumaqarpoq.

Sakkutuujusussaaatitaasut aallartitat akissarsiaat misissorneqaleruttortut, Illersornissamut ministereqarfik Berlingskemut ilisimatitsivoq.

Sakkutuujusussaatitaasut Arctic Endurance-mut sungiusarnermut peqataajartorlutik Kalaallit Nunaannut aggustimi aallartut, Illersornissaqarfiup juunimi uppernarsarpaa.

- Sakkutuujusussaatitaasut suliassanik aalajangersimasunik Kalaallit Nunaanni suliaqarsinnaanissaannut taamatullu sakkutuut sakkutooqatigiivisa akiuussinnaanerannik pitsanngorsaanissamut peqataasinnaanerat nuannaarutissaavoq, illersornissamut ministeri Jeppe Bruus (S) taamanikkut oqarpoq.