Senatori Amerikamioq Kalaallit Nunaannukalersoq

Lisa Murkowski senatorimik allamik Angus Kingimik ilaqassagunartoq, Nuummut tallimanngorpat tikeraassaaq.

Taama Folketingimut ilaasortaq Aaja Chemnitz (IA) TV2-mut oqarpoq.

Politikerit marluk Nuummukarlutik sapaatip akunnerata naanerani inunnik sunniuteqarluartuni arlalinnik pulaaqattaarnissaat pilersaarutaasoq, politikeri TV2-mut oqarpoq:

- (..) suleqatigiissitami isumaqatiginninniarnissami, Kalaallit Nunaata, Danmarkip USA-llu akornanni isumaqatigiissutissamik isumaqatiginninniuteqartussami kalaallit isumaat paasiumallugit, Aaja Chemnitz TV2-mut oqarpoq.

Folketingimut ilaasortap nammineq Nuummut tallimanngorpat tikeraarnermi peqataanissani naatsorsuutigaa.

Lisa Murkowski Donald Trumpip parteeqatigaa, Alaskallu sinniisoraa. Amerikamiuni angalaqatigiinni qanittumi USA-p, Kalaallit Nunaata Danmarkillu ajornartorsiornerannut atatillugu Folketingimut pulaartunut ilaavoq.