Sermitsiamiit aqqaanermit assilisat takukkit
Timmisartuaqqap Sermitsiamut nakkarnikup ilaa novembarip arfineq-aappaani aqqarneqarpoq. Aqqaanermit assilisat Issittumi Sakkutooqarfiup saqqummiuppai.
Timmisartup Sermitsiamut nakkartup aqqarniarnera.
Assi: Issittumi Sakkutooqarfik
Malugiuk: Assit marluk saqqummiunneqarnissaat suli akuerineqarsimannginnerat pillugu Issittumi Sakkutooqarfimmiit saaffiginnissutigineqareersullu taakku peerneqarput.
Timmisartumik Sermitsiamut oktobarip 25-ani nakkartumik Kalaallit Nunaanni Politiit Issittumi Sakkutooqarfimmut aqqaanissamik ikioqqupput. Timmisartortartup ajunaartup timaa, timmisartuaqqallu atortorissaarutai teknikkiusut allallu aqqarniarneqarput.
Silarluttoq timmisartoq nakkarpoq, oqartussallu ikioqatigiillutik Nuup eqqaani qeqertami Sermitsiami ujaaserujussuarput.
Timmisartortartoq timmisartumik ataatsimik motoorilimmik angujuminaatsumut nakkarsimasoq ujaasinermi paasineqarpoq. Timmisartortartup timaa timmisartullu aseqqukuisa ilaat aqqarniarlugit sakkutoorpaaluit tallimanngornermi novembarip arfineq-aappaanni aallartinneqarput.
Aqqaanermit assilisat Issittumi Sakkutooqarfimmiit saqqummiunneqarput.
Issittumi Sakkutooqarfimmeersut innasiortut.
Assi: Issittumi Sakkutooqarfik
Sakkutuut immikkut sungiusarsimasut, sakkutuut imarsiortut umiarsuaat alapernaarsuut Thetis qulimiguulillu MH-60R Seahawk sakkutuut timmisartortartut atorlugu aqqaanissamik suliaqartoqarpoq.
Timmisartortartup timaa, atortorissaarutit elektroniskiusut allallu aqqarneqareermata politiinut tunniunneqarput.
Assi: Issittumi Sakkutooqarfik
Aqqarneqartut ajutoortoqartillugu misissueqqissaartartut timmisartup nakkarneranut suna pissutaanersoq paasiniarlugu misissortussaavaat.
