KL

DK

Sisimiuni mittarfimmi qaartartumeerinissamik sioorasaarisoqareersorlu qimagussortitsisoqartoq

Sisimiut mittarfianiit qimagussortitsineq assersuinerlu atorunnaarsinneqartut Kalaallit Nunaanni Politiit nalunaarutigaat. Angut tigusarineqarpoq.

Kalaallit Nunaanni Politiit Sisimiuni mittarfimmiit qimagussortitsillutillu assersuipput.
Hanna Hviid
Hanna Hviid Hanna Hviid Tusagassiortoq
Saqqummersinneqarpoq

Kalaallit Nunaanni Politiit Sisimiuni mittarfimmiit qimagussortitsillutillu assersuipput.

Qaartartumeerinissamik sioorasaarisoqareersorlu taama pisoqarpoq.

Politiit Facebookimi quppernerminni allapput.

Assersuineq taamaatinneqarlunilu qimagussortitsineq atorunnaartoq Kalaallit Nunaanni Politiit nalunaaqutaq 14.15 allapput.

- Eqqissisimasumik torersumillu pisoqarneranut qujanaq, politiit allapput.

Kalaallit Nunaanni Politiit nalunaaqutaq 12.55 Sisimiut mittarfiannit qaartartumeerinissamik sioorasaarisoqarneranik nalunaarfigineqarput.

- Taava ornigulluta mittarfimmiit inuit qimagussortippagut. Angut tigusaraarput, taannalu killisiorneqarlunilu unnerluutigineqassaaq, Kalaallit Nunaanni Politiiniit Aqqalu Petersen oqarpoq.

Mittarfimmi nalinginnaasumik ingerlaqqilersoq ilanngullugu oqaatigaa. Qanorli pisoqarsimanera pillugu sukumiinerusumik oqaaseqarsinnaanngilaq.

kalaallit nunaanni politiit sisimiut mittarfiat inuiaqatigiit assersuineq qaartartumeerinissamik sioorasaarineq qimagussortitsineq

Atorfiit tamaasa takukkit

PODCASTI

Powered by Labrador CMS