Tillinniat, imigassartorsimallutik biilertut, oqartussanillu innarliineq

Arfininngornerup sapaammullu unnuaata ingerlanerani Kalaallit Nunaanni Politiit pisunut arlalinnut ornigupput, ilaatigut tillinniarnernut marlunnut. 

Taama pigaarut pisortaat Thomas Jeppesen Sermitsiamut oqaluttuarpoq.  

Ullaaq manna 06.39 inuit Qaqortumi Brugsenimut igalaaq aserorlugu tillinniariaraluartoqarpoq. Inuilli isinngitsoorput, politiillu kingorna piffimmut ornigupput. Suliaq misissuiffigineqarpoq. 

Nuummi aamma tillinniartoqarpoq, tassanilu pigaartup unnuaq nal. 01.40 inuusuttoq meeqqat atuarfianni ASK-imi tiguaa. Inuusuttoq tallimat allat peqatigalugit piffimmit qimaariaraluarpoq. Politiit akuliutsinneqarput, inuusuttorlu tigusarineqarpoq, isumaginninnermilu oqartussat attavigineqarput.  

Politiit arnaq ujaarigaat  

Qeqertarsuarmi politeeq pisortatut oqartussatut innarlerneqarpoq. Politiit arnaq attavigivaat, kingornalu politeeq annersinneqarpoq piffimmillu qimaalluni.  

Politiit arnaq nassaariniarlugu suliamik misissuipput.  

Tasiilami politiit ippassaq ullaakkut meeqqat atuarfiata eqqaani aqqusinermi eqqissiviilliornermut aggersarneqarput. Inuit marluk eqqissiviilliortitsipput. Politiit piffimmut ornigupput eqqissiviilliortitsisullu unitsillugit, kingornalu inuit piffimmit qimagutitinneqarput.  

Inuk imigassartorsimalluni billersimasutut unnerluunneqartoq  

Aammattaaq imigassartorsimalluni biilernerit marluk pipput.  

Ippassaq nal. 13.37 Ilulisssani politiit biilertumik unitsitsipput. Biilinik ingerlatsisoq imigassartorsimasutut nalilerneqarpoq. Tigusarineqarpoq aaversinnissaalu siunertaralugu napparsimaviliaanneqarluni.  

Taamattaaq Nuummi nal. 02.54 pisoqarpoq. Inuk Paarnani unitsinneqarpoq promillialu qaffasimmat imigassartorsimalluni billertutut unnerluunneqarluni. Napparsimavimmi aaversippoq kingornalu iperagaalluni.